- Advertisement -
Ироқ федерал суди парламентни тарқатиб юбориш тўғрисидаги даъвони рад этди. Бу ҳақда “INA” ахборот агентлиги суднинг матбуот хизматига таяниб хабар берди.
“Парламентни тарқатиб юбориш тўғрисида ҳукм чиқариш суднинг ваколатига кирмайди”, дейилади баёнотда.
Суднинг қайд этишича, агар тегишли асослар мавжуд бўлган ҳолатда парламент ўз қарори билан уни тарқатиб юбориши мумкин.
Аввалроқ давлат телевидениеси Ироқ федерал судига парламентни тарқатиш билан боғлик мингдан зиёд даъво аризалари келиб тушгани ҳақида хабар берган эди.
“Ариза берганларнинг аксарияти шиа етакчиси Муқтада ас-Садр тарафдорларидир”, деб қўшимча қилинади.
Аввалроқ ас-Садр янги парламент сайловлари ўтказиш талабини қўйган эди.
