Ўзбекистонда техноген вазиятлар оқибатида етказилган зарар учун компенсация миқдори белгиланди

Ўзбекистонда техноген хусусиятга эга фавқулодда вазиятлар оқибатида жабрланган фуқароларга компенсация тўлаш тартиби тасдиқланди. Тўлов миқдори етказилган зарарнинг оғирлик даражасига боғлиқ бўлади. Маблағлар учун айбдор ташкилотлар ёки мансабдор шахслар тўловни амалга оширади.

Жабрланганлар ва ҳалок бўлганларнинг оилаларига тўловларни амалга ошириш учун ҳокимликлар ҳузурида махсус жамғармалар ташкил этилади.

Компенсация миқдори қуйидагича белгиланган:

• ҳалок бўлганларнинг оилаларига — 220 млн сўмгача;
• оғир тан жароҳати олганларга — 88 млн сўмгача;
• ўртача оғирликдаги жароҳат олганларга — 66 млн сўмгача;
• енгил жароҳат олганларга — 44 млн сўмгача.