- Advertisement -
Фурқат тумани суди Фарғона вилоятида болаларнинг оммавий заҳарланиши билан боғлиқ иш бўйича Garden Catering Trade компанияси раҳбари, технологи, директори ва бухгалтерини айбдор деб топди. Ҳукм 2026 йил 21 сентябрда чиқарилгани расмий баёнотда маълум қилинди.
Жазо тайинлашда суд айбланувчиларнинг қилмишидан пушаймон бўлгани, аввал судланмагани ва жабрланганларга етказилган зарар тўлиқ қопланганини инобатга олган. Шунингдек, жабрланувчилар вакиллари уларга нисбатан даъвоси йўқлигини билдирган.
Суд муайян фаолият билан шуғулланишни тақиқлаш тарзидаги қўшимча жазони тайинламаган.
Ҳозиргача ҳукм юзасидан шикоят келиб тушмаган. Томонлар уни апелляция ёки кассация тартибида қайта кўриб чиқишни сўраш ҳуқуқига эга.
