- Advertisement -
Фарғонадаги 2, 7 ва 47-сонли боғчалар тарбияланувчилари юқори ҳарорат, қорин оғриғи, ҳолсизлик, кўнгил айниши ва ич кетиши шикоятлари билан вилоят юқумли касалликлар шифохонасига мурожаат қилди.
Озиқ-овқат маҳсулотлари хавфсизлиги қўмитаси маълумотига кўра, 28 нафар бола шифохонада қолмоқда, яна 23 нафарига шифокорлар тавсиялар берган ва улар уйда даволанишни давом эттирмоқда. Беморларнинг аҳволи барқарор, оғир ҳолатлар аниқланмаган.
Мутахассислар лаборатория текширувлари учун озиқ-овқат маҳсулотлари ва тайёр таомлардан намуналар олди. Ҳодиса сабабларини аниқлаш бўйича текширув давом этмоқда.
