- Advertisement -
22 август куни Қозоғистоннинг Қизилўрда вилоятида Nexia-2 ва KamAZ юк автомобили иштирокида йўл-транспорт ҳодисаси содир бўлди.
Ҳодиса тахминан соат 06:47 да рўй берган. Тўқнашув оқибатида Nexia-2 автомобилида бўлган Ўзбекистоннинг уч нафар фуқароси воқеа жойида ҳалок бўлган.
Ҳалок бўлганларнинг шахси ва ҳодисанинг бошқа тафсилотлари бўйича маълумотлар аниқлаштирилмоқда.
Ўзбекистон Фавқулодда вазиятлар вазирлиги Қозоғистон томони билан ҳамкорликда марҳумларни Ватанга олиб келиш ва уларнинг оила аъзоларига зарур ёрдам кўрсатиш чораларини кўрмоқда.
Йўл-транспорт ҳодисасининг сабаблари Қозоғистоннинг ваколатли органлари томонидан ўрганилмоқда.
