Чўлпонота шаҳридаги расмий тадбирлар доирасида Ўзбекистон Президенти Шавкат Мирзиёев Марказий Осиё давлатлари ва Озарбайжон етакчилари билан биргаликда Қирғизистондаги биринчи халқаро даражадаги гольф клубининг тантанали очилиш маросимида иштирок этди.
Давлат раҳбарларига янги мажмуанинг замонавий спорт ва туризм инфратузилмаси тақдим этилди. Қайд этилишича, мазкур лойиҳа спорт туризмини ривожлантириш, гольф спорт турини оммалаштириш ҳамда Қирғизистон туризм соҳасининг инвестициявий жозибадорлигини оширишда муҳим қадам бўлади.
Маросим иштирокчилари Қирғизистон Президенти Садир Жапаров ва қардош Қирғизистон халқини янги мажмуанинг очилиши билан табриклаб, ушбу иншоот мамлакатнинг туризм салоҳиятини юксалтиришда муҳим ўрин тутиши ва туризм ҳамда спорт соҳасидаги янги йирик ташаббусларни амалга оширишга хизмат қилишига ишонч билдирди.
