- Advertisement -
Бугун, 24 июль куни Ўзбекистонда қуруқ ва иссиқ об-ҳаво сақланиб қолади. Республика ҳудудида ёғингарчилик кутилмаяпти. Шамол тезлиги секундига 7–12 метрни ташкил этади, чўл ҳудудларида айрим жойларда 13–18 метр/секундгача кучайиши, чанг-тўзон кузатилиши мумкин. Кундузи ҳаво ҳарорати +32…+37 даражагача исийди.
Тошкент шаҳрида ҳам ёғингарчилик кутилмайди. Шамол тезлиги 5–10 метр/секунд бўлади. Ҳаво ҳарорати +34…+36 даражани ташкил этади.
Тоғли ҳудудларда айрим жойларда қисқа муддатли ёмғир ва момақалдироқ кузатилиши мумкин. Тошкент, Андижон, Наманган ва Фарғона вилоятларининг тоғ олди ҳамда тоғли ҳудудларида сел-сув тошқини хавфи сақланиб қолмоқда. Тоғларда ҳаво ҳарорати +23…+28 даража атрофида бўлади.
