Фарғона вилоятининг Бувайда туманида экология хизмати ходимлари ҳаёт учун хавфли вазиятга тушиб қолган вояга етмаган қизалоқни қутқариб қолди.
Ҳодиса рейд тадбири давомида содир бўлган. Экоинспекторлар ёрдамга муҳтож бўлган ўсмирни пайқаб қолиб, зудлик билан қутқарув чораларини кўрган.
Ходимларнинг тезкор ва ҳамжиҳатликдаги ҳаракатлари туфайли қизалоқ хавфсиз ҳолатда қутқариб қолинди. Шундан сўнг унга биринчи тиббий ёрдам кўрсатилди ҳамда воқеа ҳақида тегишли хизматлар ва қариндошларига хабар берилди.
Вилоят экология бошқармаси матбуот хизмати маълум қилишича, экоинспекторларнинг ҳаракатлари масъулият, профессионаллик ва фавқулодда вазиятларда ёрдам беришга тайёрликнинг ёрқин намунаси бўлди.
Айни пайтда ҳодиса тафсилотлари мутахассислар томонидан ўрганилмоқда.
