Оҳангаронда 14 ёшли қизга нисбатан домоғатлар ҳақидаги хабарларда тилга олинган патруль-пост хизмати ходими хизматдан четлатилди. Ушбу ҳолат бўйича Ички ишлар вазирлиги прокуратура билан ҳамкорликда текширув олиб бормоқда.
Ҳодиса ҳақидаги маълумотлар аввал ижтимоий тармоқларда тарқалган эди. Қизлардан бирининг қариндошлари маълум қилишича, ППХ ходими икки нафар вояга етмаганни тоғли ҳудудга олиб чиққан ва уларга нисбатан номаъқул ҳаракатлар содир этган. Қайд этилишича, ушбу ҳаракатлар қизлардан бирининг қариндоши томонидан жойига етиб келиб тўхтатилган.
Ички ишлар вазирлиги хизмат текшируви олиб борилаётганини тасдиқлаб, ҳолат тасдиқланган тақдирда ходим ҳаракатларига қатъий ҳуқуқий баҳо берилишини маълум қилди. Текширув давомида у хизмат вазифаларини бажаришдан четлатилган.
Шу билан бирга, Тошкент вилояти ИИББ тарқалган маълумотларни рад этиб, ижтимоий тармоқлардаги хабарлар ҳақиқатга тўғри келмаслигини билдирди. Идорага кўра, гап можароли ҳолат ҳақида бормоқда ва воқеа тафсилотлари аниқланмоқда.
Ҳозирда текширув ишлари давом этмоқда.
