Самарқанд вилоятининг Пайариқ туманида 11 та автомобил газ қуйиш шохобчаси сиқилган газ нархини бир вақтнинг ўзида оширгани учун рақобатга қарши келишилган ҳаракатлар содир этганликда айбланиб, жаримага тортилди.
Текширувга маҳаллий аҳолининг қўшни туманларга нисбатан нархларнинг асоссиз оширилгани ҳақидаги мурожаатлари сабаб бўлди. Рақобат қўмитаси маълумотларига кўра, 5 январдан бошлаб 12 та маҳаллий АГНКСдан 11 таси бир вақтнинг ўзида бир кубометр газ нархини ўртача 300 сўмга оширган, ҳолбуки қўшни туманларда нархлар ўзгаришсиз қолган.
Текширув якунларига кўра, махсус комиссия “Рақобат тўғрисида”ги Қонуннинг 19-моддасига мувофиқ, рақобатга қарши келишилган ҳаракатлар учун жавобгарлик назарда тутилган ҳолда, 8 та хўжалик юритувчи субъектга нисбатан иш қўзғатди.
Қонунбузарларга молиявий жарималар тайинланди, шунингдек, қонунбузилишларни бартараф этиш ва бундай ҳолатларнинг такрорланишига йўл қўймаслик бўйича мажбурий кўрсатмалар берилди.
