- Advertisement -
Ўзбекистон ҳукумат органлари Ўзбекистон металлургия комбинати бошқаруви собиқ раиси Дилшод Ахмедовни халқаро қидирувга берди. Бу ҳақда маълумот Интерпол расмий сайтида эълон қилинган.
Ҳуқуқни муҳофаза қилувчи органлар маълумотига кўра, Ахмедов Ўзбекистон Республикаси Жиноят кодексининг 167-моддаси 3-қисми — «ўзлаштириш ёки растрата йўли билан талон-торож қилиш» бўйича айбланмоқда.
Дилшод Ахмедов 2024 йил октябрь ойида мазкур корхонага раҳбар этиб тайинланган, аммо 2025 йил август ойида лавозимидан озод этилган. Бунгача у инвестициялар, саноат ва савдо вазирининг ўринбосари сифатида фаолият юритган, шунингдек корхона бошқаруви раисининг биринчи ўринбосари лавозимида ишлаган.
Айни пайтда иш тафсилотлари бўйича қўшимча маълумотлар очиқланмаган.
