Ўзбекистон терма жамоаси Тошкентда ўтказилган дзюдо бўйича «Катта дубулға» турнир сериясида муваффақиятли иштирок этиб, саккизта медални қўлга киритди. Бу ҳақда Ўзбекистон МОҚ матбуот хизмати хабар берди.
Мусобақа якунларига кўра, ўзбек спортчилари битта олтин, учта кумуш ва тўртта бронза медалини қўлга киритди. Бу натижа жамоага умумжамоа ҳисобида учинчи ўринни эгаллаш имконини берди. Биринчи ва иккинчи ўринларни Япония ҳамда Озарбайжон терма жамоалари эгаллади.
Турнир совриндорлари
Олтин:
57 кг гача — Шукуражон Аминова
Кумуш:
73 кг гача — Шаҳрам Аҳадов
100 кг гача — Эрназар Сарсенбаев
100 кг дан юқори — Алишер Юсупов
Бронза:
60 кг гача — Достон Рузиев
73 кг гача — Элбек Тожиев
81 кг гача — Муроджон Юлдошев
78 кг дан юқори — Умида Нигматова
Тошкентдаги турнир анъанавий равишда жаҳоннинг энг кучли дзюдочиларини жамлайди ва халқаро сериянинг нуфузли босқичларидан бири ҳисобланади. У спортчиларга муҳим рейтинг очколарини тақдим этади.
