Ўзбекистон ҳудуди бўйлаб ягона фавқулодда чақирув рақами — 112 тўлиқ ишга туширилди. Ушбу рақам орқали фуқаролар Ички ишлар вазирлиги, Фавқулодда вазиятлар вазирлиги, Соғлиқни сақлаш вазирлиги, Ижтимоий ҳимоя миллий агентлиги ҳамда газ хизматига мурожаат қилишлари мумкин.
Маълум қилинишича, тизимнинг республика бўйлаб ишга туширилгани ҳақида Рақамли технологиялар вазирлиги ахборот хизмати раҳбари Шерзод Ахматов Pressuzb телеканалига берган интервьюсида маълум қилган.
112 рақамига қўнғироқ қилиш мутлақо бепул бўлиб, ҳатто SIM-картасиз ҳолатда ҳам қўнғироқ қилиш имкони мавжуд. Чақирувлар 24 соат давомида қабул қилинади, операторлар эса мурожаат мазмунига кўра тегишли идорага йўналтиради.
Ягона фавқулодда рақам жорий этилиши аҳолига тезкор ёрдам кўрсатиш тизимини янада самарали қилишга қаратилган.
