Жорий йилнинг 10-15 сентябр кунлари Ёшлар ишлари агентлиги ҳамда Чиқиндиларни бошқариш ва сиркуляр иқтисодиётни ривожлантириш агентлиги ҳамкорлигида Навоий вилояти Қизилтепа туманидаги “Халқаро шахмат мактаби” да ташкил этилган ёшларнинг экологик саводхонлигини ошириш ва маданиятини ривожлантиришга бағишланган эко-оромгоҳ ўтказилди.
Унда жами 150 нафардан ортиқ экофаол ёшлар ҳамда Чиқиндиларни бошқариш агентлигининг ҳудудий бошқармалардаги соҳа ходимлари жамланди. Қолаверса, КИДC (Кореа Интернатионал Девелопмент Cооператион Cентер) ҳамда “Эколог” жамоат бирлашмаси вакиллари ва унинг Кореядан ташриф буюрган волонтёрлар ҳам қатнашди.
Эко-оромгоҳ доирасидаги машғулотлар иқлим ўзгариши, ичимлик суви муаммолари, экологик лойиҳаларни ёзиш ва амалга ошириш, ўсимлик ва ҳайвонот дунёсини муҳофаза қилиш, чиқиндиларни саралаш, қайта ишлаш ҳамда пластик чиқиндиларнинг атроф-муҳитга та’сири ва уларни камайтириш каби долзарб мавзулар ўргатилгани билан аҳамиятли бўлди. Шунингдек, Чиқиндиларни бошқариш агентлиги масъуллари иштирокида “Чиқиндининг 14 тури” ва “Санитар қоидаларни биласизми?” мавзуларида экологик саводхонлик соатлари олиб борилди.
Шунингдек, “Яшил ташаббуслар майдони” дастурида оромгоҳ иштирокчилари ўқув семинарларда ўрганган билимларидан келиб чиқиб, лойиҳаларини тақдимот қилишди. Унда бир қатор экологик лойиҳалар тайёрланиб, уларнинг ҳар-бири билан батафсил танишилиб, муҳокама қилинди. Жумладан, ижтимоийлик жиҳати юқори бўлган 4 та эко-лойиҳа янада бойитиш ва оммалаштириш чораларини кўриш мақсадида алоҳида ажратиб олинди.
Булар:
- “Яшил трансформация” — лойиҳада чиқиндилардан янги маҳсулот яратиш, экологик тоза туваклар ишлаб чиқариш ва табиий филтрланган сувни экинларга йўналтириш орқали барқарор ечимлар таклиф этилади.
- “ЕCО ҚАЛАМ” — лойиҳага кўра, ёғошдан тайёрланган ва устига ўсимлик уруғ қадалган экологик қаламлар ишлатиб бўлингач, тупроққа қадалади ва ўсимлик униб чиқиши натижаси яшиллик ҳисса қўшилади.
- “БиоПаcк” – қишлоқ хўжалиги чиқиндиларидан олинадиган, табиий парчаланадиган ПЛА биопластика асосида қадоқлаш ечимларини яратадиган барқарор келажак лойиҳасидир.
- Эcо АИ Cонтент — унда ижтимоий тармоқларда экологик муаммоларни замонавий, экшн, анимацион ва асосийси сунʼий интеллект графиклари асосида кўришлар сонини ошириб, жамоатчилик орасида кенг кўламда тарғибот қилинади.
Эко-оромгоҳ жараёнларида жамоавий тарздаги “Еcо Қуиз” онлайн экологик викторина ҳамда “Ақлни чархлаймиз эко Заковат” интеллектуал ўйини, “Тўғри сарала, сайёрамизга ёрдам бер! ” шиори остидаги “Wасте то Wатц” номли интерфаол беллашув ташкил этилди. Беллашувлар иштирокчиларнинг экологик саводхонлигини синовдан ўтказиши билан қизғин баҳс-мунозаларга бор бўлди. Якунда ғолиб жамоалар аниқланиб, муносиб рағбатлантирилди.
Тўдакўл соҳили бўйида “Яшил келажак сари” шиори остида плоггинг эко-аксияси ҳам ўтказилди. Унда 150 нафар иштирокчи 5 та жамоага бўлинган ҳолда дам олувчилар томонидан ҳудудда қолдириб кетилган жами 800 кг яқин чиқиндини йиғиб, тозаликга муносиб ҳисса қўшишди. Чиқиндилар махсус техникалар орқали олиб чиқиб кетилиб, бартараф этилди.
Бундан ташқари, оромгоҳ доирасида Ёшлар ишлари агентлиги ва “Глобал Аниматион Студио” томонидан тайёрланган экологияга оид “Яшил макон” ўзбек миллий мултфилми, Орол денгизи муаммосига қаратилган “Шўрхок” номли янги қисқа метражли филм намойиши ҳамда www.батарейкалар.уз лойиҳаси тақдимоти ҳам ўтказилди.
Э’тиборли жиҳати Ёшлар ишлари агентлиги томонидан шу пайтга қадар тадбирларда фойдаланилган реклама баннерларидан шопперлар тайёрланиб, иштирокчиларга тарқатилди. Бу эса ўз ўрнида чиқиндиларнинг камайиши баробарида уларга қайта ҳаёт бериб, табиатга қайтарилишидир.
