Кўплаб ташкилотларда мавсумий ходимлар фаолият юритади. Айниқса, куз-қиш мавсумида таълим, тиббиёт ва бошқа турли ташкилотлар ишхонани иситиш ишлари учун мавсумий ходимларни жалб қилади. Иш берувчилар мавсумий ходимлар билан мавсум тугагунига қадар муддатли меҳнат шартномаси тузилади. Мавсумий ходимлар ўз ташаббуслари билан меҳнат шартномасини бекор қилиш учун бошқа ходимларга ўхшаб 14 календар кун эмас, 3 календар кун олдин ариза ёзади. Яъни, ишдан бўшашдан олдинги огоҳлантиришни назарда тутяпман. Меҳнат кодексининг 160-модданинг биринчи қисми ва 494-модданинг биринчи қисмига кўра:
мавсумий ходим иш берувчини 3 календар кун олдин ёзма шаклда огоҳлантириб, меҳнат шартномасини ўз ташаббусига кўра бекор қилишга ҳақли эканлиги кўрсатилган.
Мирзо Улуғбек тумани юридик хизмат корсатиш маркази бош юрисконсулти Комилов Фазлиддин.
