2024 йилда Ўзбекистонда электрон хизматлар кўрсатувчи 63 та хорижий компания жами 115,8 миллиард сўм солиқ тўлади. Бу кўрсаткич 2023 йилга нисбатан 1,5 баробарга кўп.
Солиқларнинг 99,9 фоизи онлайн хизмат тақдим этувчи йирик 10 та хорижий компаниянинг ҳиссасига тўғри келади. Булардан энг кўп тўлов амалга оширганлар «Meta» (41,7 млрд), «Google» (29 млрд) ва «Apple» (27,3 млрд) бўлиб қолмоқда.
Улардан кейинги ўринлар қуйида келтирилган:
«Amazon» – 4,1 миллиард сўм;
«Booking.com» – 3,6 миллиард сўм;
«Netflix» – 1,4 миллиард сўм;
«Zoom» – 1,4 миллиард сўм;
«Аccа» – 1,2 миллиард сўм;
«Xsolla» – 966,7 миллион сўм.
Эътиборлиси шунда-ки, мамлакатда блокланганига қамай, «TikTok» ҳам 903 миллион сўм солиқ тўловини амалга оширди. У 2021 йилнинг июль ойида «Шахсий маълумотлар тўғрисида»ги қонунни бузган деб топилганди.
