Ўқотар бўлмаган қуролни ўз ихтиёри билан топширган фуқаролар жавобгарликдан озод қилинади

Бу пневматик, сигнал берувчи, тиғли совуқ, улоқтирувчи қуроллари ва ўз-ўзини ҳимоя қилиш қуроллари бўлган фуқароларга тегишли.

Президент томонидан имзоланган Қонун билан МЖтКга қўшимча киритилди. Бу ҳақда Адлия вазирлиги хабар берди.

Унга кўра, шахс ўзининг қонунга хилоф эгалигида бўлган пневматик, сигнал берувчи, тиғли совуқ, улоқтириш қуроли ва ўзини ўзи ҳимоя қилиш қуролини ихтиёрий равишда топширса маъмурий жавобгарликдан озод қилинади.

«Илгари бундай норма мавжуд эмас эди. Қонун расмий эълон қилинган кундан эътиборан кучга киради», — дейилади хабарда.