- Advertisement -
Микроҳудуддан ташқари мактабларнинг 1-синфига қабул 1 август куни соат 11:00 да бошланди. Бу ҳақда Мактабгача ва мактаб таълими вазирлиги ахборот хизмати хабар берди.
Қайд этилишича, ота-оналар фарзандини бўш ўринларга жойлаштириш учун my.maktab.uz платформасига ариза юборишлари мумкин. Аризалар юборилган вақт кетма-кетлигида қабул қилинади. Белгиланган квотага мос равишда аризалар қабул қилингандан сўнг қабул жараёнлари автоматик тарзда тўхтатилади.
Бола микроҳудуддан ташқари мактабга қабул қилинганидан сўнг, микроҳудуд бўйича аввал юборилган аризаси асосий мактабга автоматик равишда ўтказилади.
