27 ноябрь куни тахминан соат 18.15да Мирзо Улуғбек туманидаги 99-сонли умумтаълим мактаби 8-“И” синф ўқувчиси А.А. мактаб ҳовлисидаги спорт майдонидан чиқиб кетаётганида тоби қочган ва ҳушидан кетган.
Шу вақтни ўзида мактаб қоровули томонидан тез тиббий ёрдамга қўнғироқ қилинган. Тез ёрдам машинасида Республика ихтисослаштирилган кардиология марказига олиб кетилган. Республика ихтисослаштирилган кардиология маркази шифокорлари томонидан ёрдам кўрсатилганлигига қарамай А.А. ўзига келмаган ва вафот этгани ҳақида хабар берган эдик.
Бош прокуратура матбуот хизматининг darakchi.uz’га маълум қилишича, дастлабки хулосага кўра, боланинг ўлими электр жароҳати, электр токи ёйидан захарланиш, ўткир нафас юрак-қон томир етишмовчилиги, бош мия ва ўпка шиши, чап қўл кафт соҳаси электр тамғаси натижасида юз берган.
