Тўққиз ой якунларига кўра, Ўзбекистон Хитойдан енгил автомобиллар импортини қарийб олти баравар оширди, дея хабар беради Хитой Бош божхона бошқармаси.
Январ-сентябрь ойларида Хитойдан Ўзбекистонга енгил автомобиллар етказиб бериш 65,3 минг донани ташкил этди, бу 2022-йилнинг мос даврига нисбатан 5,8 баробар кўпдир.
Импорт қилинган автомобиллар нархи $1,2 млрдга баҳоланмоқда — ўсиш 5,9 баробар ошган.
Хитойдан Ўзбекистон бозорига электромобиллар экспорти 4,1 баравар ошиб, 20,6 мингтагачани ташкил этди.
Мамлакат автомобилларининг ўртача нархида ҳам ўсиш кузатилган. Масалан, ички ёнув двигателига эга автомобил ўртача $18,6 минг (йилга нисбатан +2,4%), электромобил эса $22,2 минг (+12,6%) туради.
Давлат статистика қўмитаси маълумотларига кўра, йил бошидан буён Ўзбекистонга $1,22 млрдлик автомобил ва йўловчи транспорти импорт қилинган, бу ўтган йилга нисбатан икки баробар кўпдир.
Жорий йилнинг етти ойида Ўзбекистон $217 млнлик 7391 дона электромобил импорт қилди. Электр транспортининг асосий етказиб берувчиси сифатида Хитой улушига 6898та электромобил ёки уларнинг умумий сонининг 93,3%и тўғри келади.
