- Advertisement -
Украина можароси туфайли Украина портларида тўсиб қўйилган турк кемалари беш-ўн кун ичида қайтиб келади. Бу ҳақда Туркия Савдо вазирлигининг Халқаро савдо ва хизматлар бош бошқармаси бошлиғи ўринбосари ва дон йўлаги координатори Юсуф Каракаш маълум қилди, деб ёзади “Milliyet” нашри.
“Ҳозирда Туркияга тегишли кемалар давом этаётган можаро туфайли Украина портларида қолмоқда… Келгуси беш-ўн кун ичида бу кемалар Туркияга етказилиши кутилмоқда”, — деб ёзади “ТАСС”. Каракашнинг сўзларига кўра, ушбу кемалар билан боғлиқ вазият Савдо вазирлиги ва қўшма мувофиқлаштириш маркази томонидан назорат қилинмоқда.
