НАТО Осиё давлатларини ўз сафларига қабул қилишдан бош тортган ҳолда Европа ва Шимолий Америка давлатларининг бирлашмаси бўлиб қолишларини маълум қилди.
Бу ҳақда альянс бош котиби Йенс Столтенберг «The Washington Post» газетасига берган интервьюсида айтиб ўтди.
«НАТО Шимолий Америка ва Европа иттифоқи бўлиб қолади, у Осиёдан аъзолар билан глобал иттифоққа айланмайди ва бизнинг жамоавий хавфсизлик кафолатимиз НАТО ҳудудига ҳам тааллуқлидир», деди Столтенберг.
Бош котиб Осиёнинг айнан қайси мамлакатлари НАТОга аъзо бўлиш истагида эканига ойдинлик киритмаган.
Эслатиб ўтамиз, аввалроқ Украина президенти Зеленский НАТОдан ўз ҳудудидаги ҳарбий можаро тугаганидан кейин мамлакат НАТОга қабул қилиниши ҳақида аниқ сигнал беришни сўраган эди. Шу йилнинг 21 апрель куни НАТО бош котиби Йенс Столтенберг альянсдаги барча иттифоқчиларнинг Украинани унга қўшилишга розилиги ҳақида айтди.
