- Advertisement -
Чет тилини билиш даражасини аниқлаш бўйича май ойида бўлиб ўтадиган тест синови саналари эълон қилинди деб ёзади Уз.А.
Билим ва малакаларни баҳолаш агентлиги матбуот хизматининг маълум қилишича, тест синовининг ёзма қисми жорий йил 6-7-май кунлари, гапириш кўникмасини баҳолаш имтиҳонлари эса 11-31-май кунлари бўлиб ўтади.
Тест синовлари барча ҳудудларда, жумладан Қорақалпоғистон Республикаси, вилоятлар ва Тошкент шаҳрида ташкил этилади.
Талабгорлар имтиҳон жойи, куни ва аниқ вақтини my.gov.uz сайтининг “Mening arizalarim” бўлимидан билиши ва рухсатномани юклаб олиши мумкин.
Талабгорлардан тест синови ўтказиладиган ҳудудга белгиланган вақтдан камида бир соат олдин шахсини тасдиқловчи ҳужжат (паспорт ёки ID -карта) билан келишлари сўралади.
Тест синови натижалари белгиланган тартибга кўра, имтиҳонлар якунлангандан сўнг бир ҳафтада эълон қилинади.
