Таиланд ҳукумати маълумотларига кўра, чоршанба кунидан бери ҳарбийлар ва кучли этник қуролли гуруҳ бўлинмалари ўртасидаги шиддатли жанглардан қутулиш учун 10 мингга яқин Мянмалик Таиландга қочиб кетди.
Улар ҳарбийлар тарафдори бўлган милиция назорати остидаги ва Хитойга қарашли казинолар жойлашган Шве Кокко шаҳридан қочиб кетишмоқда.Бу икки йил олдинги ҳарбий тўнтаришдан кейин одамларнинг энг йирик трансчегаравий ҳаракатларидан биридир.Ҳарбийлар ҳозирча жанглар ҳақида баёнот бермаган.
Бу 2021-йил февралидаги давлат тўнтаришидан бери давом этаётган фуқаролар урушининг охиргиси. Икки йил ўтиб, ҳарбий ҳукумат мамлакатнинг катта ҳудудларида ўз ваколатларини ўрната олмади. У ўнлаб йиллар давомида ҳарбийлар билан урушиб келаётган чегара ҳудудларида ташкил этилган этник қуролли гуруҳларга ва мамлакатнинг аксарият ҳудудларида ўзларини Халқ мудофаа кучлари (ПДФ) деб атайдиган яқинда тузилган тўнтаришга қарши қўшинларга қарши курашмоқда.
Тўнтаришдан сўнг минглаб одамлар ҳалок бўлди, 1,4 миллионга яқин киши ўз уйини тарк этди. Бирлашган Миллатлар Ташкилотига кўра, мамлакат аҳолисининг қарийб учдан бир қисми ёрдамга муҳтож.
Охирги жанглар Карен Миллий Озодлик Aрмияси (КНЛA) ва унинг иттифоқчилари чоршанба куни Шве Кокко яқинидаги ҳарбий постлар ва дарвоза лагерига ҳужум уюштирганидан кейин бошланди. Ҳар икки томондан 80 дан ортиқ одам ҳалок бўлди, деди КНЛA ТХАи га.
