Ҳиндистон ғарбидаги Махараштра штатидаги фермерлар пиёз нархини оширишни талаб қилиб, Мумбайга 200 км (124 миля) йўлга чиқди. Намойишлар ҳукуматни пиёз етиштирувчиларга бироз молиявий енгиллик эълон қилишга ундади. Aммо фермерлар бу таклифни рад этишди ва норозиликни давом эттиришларини айтишди. Бу ҳақда Маратҳи мухбири Aнагҳа Патҳак хабар бермоқда.
Нашик туманидаги Намдев Тҳакаре оилавий фермасида қатор-қатор пиёз чириган.Фермер пиёз йиғиштириб, бозорга олиб чиқиш учун ишчилар ёллаш учун пул сарфламоқчи эмаслигини, чунки харажатларни қоплай олмаётганини айтади.
У Махараштра штатидаги минглаб фермерлар қаторида, сўнгги бир неча ҳафта ичида пиёз нархи тўсатдан тушиб кетганидан кейин норозилик билдирмоқда. Улардан бири штат бош вазирига таклифнома юборгач, умидсизликдан ҳосилини ёқиб юборди; бошқалар эътиборни жалб қилиш мақсадида бош вазир Нарендра Модига пиёз посилкаларини жойлаштиришган.
