Индонезиянинг машҳур “Televisi Republik Indonesia” телеканали Ўзбекистоннинг сайёҳлик салоҳиятига бағишланган лавҳаларни суратга олган эди. Шу кунларда айни каналда мамлакатимиз зиёрат туризмини тарғиб этувчи туркум кўрсатувлар намойиш этилмоқда.
“Stay at Home” рукнида эфирга узатилаётган “Journey — Warisan Dunia di Jantung Uzbekistan” (Саёҳат – Ўзбекистон юрагидаги бутунжаҳон мероси) дастури мухлисларини юртимиз тарихий ва меъморий обидалари билан таништиради. Имом Бухорий, Имом Термизий, Имом Мотуридий, Баҳоуддин Нақшбандий сингари буюк алломаларимиз қолдирилган бой маънавий мерос ҳақида ҳикоя қилади.
Ушбу кўрсатувлар орқали томошабинлар Тошкент метрополитени, Регистон майдони, Гўри Амир ва Имом ал-Бухорий мақбарасига ҳам “саёҳат” қиладилар. Дастурнинг кейинги уч қисми июль-августь ойларида намойиш этилади.
