- Advertisement -
Бош прокуратура ҳузуридаги Департаментнинг Зангиота туман бўлими томонидан Давлат солиқ инспекцияси ходимлари билан ҳамкорликда ўтказилган тезкор тадбирда фуқаро Ф.Қ. “Намуна” МФЙ ҳудудидаги бинода яширин цех ташкил қилиб, “PERSIL”, “ARIEL”, ва “MIF” номли савдо белгиларидан фойдаланган ҳолда контрафакт кир ювиш кукунларини қадоқлаб сотаётганлиги аниқланди. 1 минг 269 кг. кир ювиш кукуни ашёвий далил сифатида олинган.
Мазкур ҳолат юзасидан Жиноят кодексининг 186-моддаси (хавфсизлик талабларига жавоб бермайдиган товарларни ўтказиш мақсадини кўзлаб ишлаб чиқариш, сақлаш, ташиш ёхуд ўтказиш, ишлар бажариш ёки хизматлар кўрсатиш) билан жиноят иши қўзғатилиб, тергов ҳаракатлари ўтказилмоқда.
