Жаҳон соғлиқни сақлаш ташкилоти ва ЮНИCЕФнинг қўшма ҳисоботида қайд этилишича, бугунги кунда дунё аҳолисининг тўртдан бир қисми ичимлик суви танқислигидан азият чекмоқда.
Экспертлар хулосасига кўра, муаммонинг авж олишига сайёрамиздаги иқлим ўзгаришлари, хусусан, қурғоқчилик сабабчи. Энг ёмони, бунинг оқибатида ифлосланган ва тозаланмаган сув истеъмоли туфайли инсонлар организмида хавфли микроорганизмлар ривожланиши кузатилмоқда.
Масалан, 2019 йилда жаҳон бўйича 1,5 миллион нафарга яқин одам диарея хасталигидан вафот этган. Қолаверса, йилига 3 миллионга яқин кишига вабо ташхиси қўйиляпти.
‼️Халқаро мутахассисларнинг фикрича, ичимлик суви манбаларини тўғри шакллантириш ва тақсимлаш касалликлар хавфини икки баравар камайтиришга ёрдам беради. Сувни истеъмолдан аввал фильтрлаш натижасида эса хасталик динамикаси 50 фоизга пасайиши мумкин.
