Туркиянинг Коня шаҳрида ўтаётган V Ислом бирдамлиги ўйинларида Ўзбекистон терма жамоаси бугунга қадар 11 та олтин, 10 та кумуш, 18 та бронза, жами 39 та медаль жамғарган ҳолда 56 та давлат орасида умумжамоа ҳисобида 3-ўринда бормоқда.
Мазкур мусобақада энг кўп медаль жамғараётган терма жамоалар орасида Туркия термаси пешқадамлик қилмоқда. Мезбонлар 11 август ҳолатига кўра 34 та олтин, 30 та кумуш, 25 та бронза, жами 89 та медаль жамғарган бўлса, эронлик спортчилар 15 та олтин, 14 та кумуш, 10 та бронза медали билан жадвалнинг 2-ўрнида бормоқда.
Шунингдек, Ўзбекистон терма жамоасидан сўнг Озарбайжон 7 та олтин, 10 та кумуш, 8 та бронза, жами 25 та медал билан тўртинчи, Баҳрайн эса 7 та олтин, 4 та кумуш 2 та бронза жамғарган ҳолда кучли бешликни якунлади.
