- Advertisement -
Ўзбекистонлик ўқувчилар 6-16 июль кунлари Норвегиянинг Осло шаҳрида ўтказилган 63-Халқаро математика ва 10-18 июль кунлари Арманистонда ўтказилган 33-Халқаро биология олимпиадасида иштирок этдилар.
Дунёнинг 104 та давлатидан 589 нафар ўқувчи қатнашган халқаро математика олимпиадасида юртимиз шарафини ҳимоя қилган Қоракўл Халқаро математика мактаби ўқувчиси Лазизбек Ражаббоев ва жаҳоннинг 64 давлатидан 256 нафар ўқувчи қатнашган Халқаро биология олимпиадасида Тошкент педиатрия институти академик лицейи ўқувчиси Азиза Абдувалиева бронза медалини қўлга киритдилар.
