- Advertisement -
Қирғизистон пойтахти Бишкекда регби-15 бўйича бўлиб ўтадиган учинчи дивизион вакиллари ўртасидаги Осиё чемпионати финалида Ўзбекистон терма жамоаси Қозоғистон вакиллари билан рўбарў келади.
Шу кунгача учинчи дивизион вакиллари ўртасида ўтказилган баҳсларда вакилларимиз Мўғулистон термасини 17:10 ҳисобида мағлубиятга учратиб финалга йўл олган бўлса, ўз навбатида Қозоғистон жамоаси қирғизистонлик регбичиларни 113:5 ҳисобида доғда қолдириб, вакилларимиз билан 1-ўрин масаласига ойдинлик киритиш ҳуқуқига эга бўлди.
Энди ҳамюртларимиз финалда қозоғистонлик регбичилар билан иккинчи дивизионга йўлланмани қўлга киритиши учун баҳслашади. Қирғизистон ва Мўғулистон жамоалари 3-ўрин учун курашади.
