Амалдаги қонунчиликка кўра, жамоат тартибига ёки хавфсизлигига таҳдид солувчи ёлғон ахборотни тарқатган шахс БҲМ нинг 100 бараваригача жаримага тортилиши мумкин. Шунингдек, ёлғон ахборот тарқатганлик учун маъмурий жавобгарликка тортилган шахс ушбу ҳуқуқбузарликка такроран йўл қўйса, қуйидаги жазо чораларидан бири қўлланилиши мумкин:
-БҲМ нинг 200 бараваригача миқдорда жарима;
-300 соатгача мажбурий жамоат ишлари; 2 йилгача ахлоқ тузатиш ишлари; 2 йилгача озодликни чеклаш.
Қолаверса, шахснинг қадр-қиммати камситилишига ёки унинг обрўсизлантирилишига олиб келадиган ёлғон ахборотни тарқатиш, шу жумладан оммавий ахборот воситаларида, телекоммуникация тармоқларида ёки Интернет жаҳон ахборот тармоғида тарқатиш, шундай ҳаракатлар учун маъмурий жазо қўлланилгандан кейин содир етилган бўлса, базавий ҳисоблаш миқдорининг бир юз еллик бараваригача миқдорда жарима ёки икки юз қирқ соатгача мажбурий жамоат ишлари ёхуд икки йилгача ахлоқ тузатиш ишлари ёки икки йилгача озодликни чеклаш билан жазоланади.
Шунингдек, жамоат тартибига ёки хавфсизлигига таҳдид солувчи ёлғон ахборотни тарқатиш, шу жумладан оммавий ахборот воситаларида, телекоммуникация тармоқларида ёки Интернет жаҳон ахборот тармоғида тарқатиш, хусусан жиноят аломатлари мавжуд бўлмаган тақдирда, шундай ҳаракатлар учун маъмурий жазо қўлланилганидан кейин содир этилган бўлса, БҲМ нинг икки юз бараваригача миқдорда жарима ёки уч юз соатгача мажбурий жамоат ишлари ёхуд икки йилгача ахлоқ тузатиш ишлари ёки икки йилгача озодликни чеклаш билан жазоланади.
Хусусан, Жиноят кодексининг 244/6-моддасининг биринчи ёки иккинчи қисмида назарда тутилган қуйидаги ҳаракатлар, жумладан, — такроран ёки хавфли рецидивист томонидан; -кўп миқдорда зарар етказган ҳолда содир этилган бўлса,
базавий ҳисоблаш миқдорининг икки юз бараваридан уч юз юз соатгача мажбурий жамоат ишлари ёхуд икки йилгача ахлоқ тузатиш ишлари ёки икки йилгача озодликни чеклаш билан жазоланади.
Мирсамад Якубов
Шайхонтоҳур туман адлия бўлими бош маслаҳатчиси
