ДХХ ва Департаментнинг ҳудудий бошқармалари ходимлари томонидан ернинг ноқонуний савдоси бўйича қатор жиноятлар аниқланди.
Хусусанн, Андижон вилояти туманларидан бирининг Санитария-эпидемиологик осойишталик ва жамоат саломатлиги хизмати бошлиғи маҳаллий фермер хўжалигига қарашли мевали боғдан иборат 1 га ер майдонидан вақтинча ижара шартномаси асосида фойдаланиб келган.
У мазкур ер майдонини тасарруф этиш ва 3-шахсга ўтказиш ҳуқуқига эга бўлмасада, $45 мингга сотишга уринади.
Ўтказилган тезкор тадбирда мансабдор шахс ушланди.
Ер сотиш орқали ноқонуний даромад орттиришга уриниш Тошкент вилоятида ҳам содир этилди.
Хусусий тадбиркор Қибрай туманининг Тузел мавзесида жойлашган 2 га ерни харидорга $1 млн эвазига сотишга келишиб, шундан $ 10 мингини олган вақтида қўлга олинди.
Терговолди суриштирув давомида мазкур шахс мунтазам ноқонуний ер сотиш билан шуғуллангани аниқланди.
