13 ноябрдан 15 ноябргача Аёллар ҳуқуқлари бўйича жамоатчилик сиёсати мактаби бўлиб ўтади
Мактаб “Юксалиш” ҳаракати ва “АРГО” Фуқаролик жамиятини ривожлантириш уюшмаси (Қозоғистон) ҳамкорлигида Европа Иттифоқи молиявий кўмагида амалга оширилмоқда.
Мактабдаги ўқув машғулотлари ижтимоий сиёсат соҳасидаги мутахассисларнинг салоҳиятини оширишга қаратилган. Дастур сиёсий жараёнларни таҳлил қилиш, стратегиларни ишлаб чиқиш ва ижтимоий компанияларни бошқариш мавзуларини қамраб олган. Маърузачилар сифатида миллий ва халқаро экспертлар таклиф қилинган бўлиб, бу иштирокчиларга тажриба алмашиш ҳамда касбий йўналишда ҳамкорлик ўрнатиш имконини беради.
Мактабда Фарғона, Жиззах, Навоий, Қашқадарё ва Хоразм вилоятларидан 30 нафар фуқаролик жамияти, хотин-қизлар бошчилигидаги нодавлат нотижорат ташкилотлари вакиллари, шунингдек, маҳаллалар етакчилари тингловчи сифатида иштирок этди.
Мактабнинг асосий йўналишлари қонунчилик ва меъёрий-ҳуқуқий базани таҳлил қилиш, давлат тузилмалари билан ўзаро ҳамкорлик, чора-тадбирлар режаларини ишлаб чиқиш ва гендер йўналишли жамоатчилик кампанияларини бошқариш, шу жумладан бюджетлаштириш ва ижтимоий-сиёсий ҳаётда тенг иштирок этиш мавзуларини ўз ичига олади.
Очилиш маросимида, шунингдек, Европа Иттифоқи кўмагида ўтказилаётган “Empowerment Now” лойиҳаси доирасидаги кичик грантлар танлови ғолиблари бўлган 10 та нодавлат нотижорат ташкилотига сертификатлар топширилди.
Маълумот учун:грант дастури Ўзбекистоннинг бешта пилот ҳудудини қамраб олган бўлиб, у ерда аёллар ва қизларнинг аҳволини яхшилашга қаратилган лойиҳалар қўллаб-қувватланади.
Нодавлат нотижорат ташкилотлари олинган маблағларни гендер тенглиги ва аёллар ва қизларга нисбатан камситишларга қарши курашиш соҳасидаги ташаббусларни қўллаб-қувватлаш, зўравонликка қарши курашиш, аёлларни қарорлар қабул қилиш ва мулоқотга жалб этишга йўналтиришлари мумкин бўлади.
