36 нафар боғча тарбиячиси ва 42 нафар тарбияланувчи коронавирус юқтириб олди, 11та МТМ онлайн режимда ишламоқда.
Бу ҳақда Мактабгача таълим вазирлиги ахборот хизмати раҳбари Мавлуда Асқархўжаева АОКАда ўтказилган брифингда маълум қилди.
2021 йил 25 апрель ҳолатига кўра, Ўзбекистонда мактабгача таълим ташкилотларида коронавирус инфекцияси қайд этилган ходимлар сони 36 нафарга етган.
Мактабгача таълим ёшидаги болалар орасида 42 та тарбияланувчида касалланиш аломатлари аниқланган, 11та мактабгача таълим ташкилотлари 14 кунлик онлайн режимида ўз фаолиятини давом эттирмоқда.
Тошкент шаҳрида 25та тарбияланувчи ва 28та ходим даволанмоқда. Тошкент шаҳридаги Мактабгача таълим ташкилотларидан 8таси 14 кунлик онлайн режимига ўтди.
Тошкент вилоятида 9 нафар тарбияланувчи, 9 нафар ходим даволанмоқда. 4 та мактабгача таълим ташкилоти 14 кунлик онлайн режимда ишламоқда.
Самарқанд шаҳрида 4 нафар тарбияланувчи ва 2 нафар тарбиячида коронавирус аниқланган.
Ташкилотларда коронавирус инфекцияси аниқланганлиги сабабли 27 апрелдан бошлаб Самарқанд шаҳридаги барча мактабгача таълим ташкилотларида 14 кунлик карантин жорий этилди.
Сирдарё вилоятининг 4 нафар тарбияланувчисида касаллик аломатлари аниқланган бўлиб, тўрттала ҳолат ҳам Гулистон шаҳрида аниқланди.
Сурхондарё вилоятида 3 нафар тарбияланувчида касалланиш аломатлари аниқланган.
Наманган вилоятида 1 нафар тарбияланувчисида касалланиш ҳолати кузатилган.
Навоий вилоятида 2 нафар МТМ ходимида касаллик аниқланган, боғча 14 кунлик масофавий таълим ва тарбия бериш режимга ўтказилди.
Хоразм вилояти Хазорасп тумани мактабгача таълим бўлими ходимларидан бирида ҳам касаллик аниқланган.
