Kimdir: «Men ko’p pul ishlab topganimda xursand bo’laman» desa, kimdir: «Bugun oilam bilan mazali kechki ovqat ustida yig’ilsak, xursand bo’laman», deydi. Qaysi biri baxtliroq? Albatta, katta maqsadlarga ega bo’lish juda yaxshi. Ammo siz o’zingizning baxt-saodatingizni kelajakdagi muvaffaqiyatlar bilan bog’lab qo’yishingiz kerak emas. Ular amalga oshmay qolishi ham mumkin va ularni kutib, siz bugundan zavqlana olmaysiz. Bugun sizni xursand qila oladigan narsalarni izlang, toping va ertangizni yanada baxtliroq qilishga intiling!
Turkiya 2000 dan ortiq jangarilarni Suriyadan Qorabog’ga ko’chirdi.
Turkiya «Sulton Murod bo’linmasi», «Hamza jamoasi» va boshqa guruhlarning 400 dan ortiq jangarilarini Suriyadan Ozarbayjonga yollanma askarlarning yangi partiyasi sifatida yetkazib berdi. Turkiyani qo’llab-quvvatlovchi suriyalik yollanma askarlarni Tog’li Qorabog’ga ko’chirish sulh bitimi tufayli bir muncha vaqt to’xtatilgan edi. Biroq, shunga qaramasdan, Ozarbayjonga yuborilgan suriyalik jangchilarning umumiy soni kamida 2050 kishiga yetdi, deya xabar beradi Londonda joylashgan «Suriya inson huquqlari bo’yicha kuzatuv» nodavlat tashkiloti.
Биринчи маротаба ўзбекистонлик олим халқаро илмий кенгашда диссертация ёқлади
Жорий йилнинг 16 октябрь куни Москва пўлат ва қотишмалар институти «МИСиС» (РФ)нинг Миллий тадқиқотчилик технологик университети Олмалиқ филиалида мамлакатимиз илм-фани тарихида илк маротаба Ўзбекистон Республикаси Вазирлар Маҳкамаси ҳузуридаги Олий аттестация комиссиясининг 2019 йилдаги қарорига мувофиқ ташкиллаштирилган Халқаро илмий кенгашга Техника фанлари доктори (DSc) илмий даражасини бериш бўйича докторлик ҳимояси бўлиб ўтди.
Мазкур халқаро илмий кенгаш аъзолари 2018 йилда Халқаро тоғ-кон Конгресси доирасида таъсис этилган Евроосиё тоғ-кон фанлари академияси ҳамда металлургия иши бўйича дунёнинг 100 та энг етакчи илмий ва тадқиқот марказлари сирасига кирадиган Москва пўлат ва қотишмалар институти (МИСиС) вакиллари бўлмиш В. Мелник, В.Атрушкевич, В.Галкин, М. Рахутин, Л.Кантович сингари 12 нафар дунёга машҳур олимлардир.
Ҳимоя диссертант Н.А. Абдуазизовнинг «Тоғ-кон машиналари» ихтисослиги бўйича «Очиқ кон экскаваторларининг гидравлик тизимларини оптималлаштириш асосида уларнинг самарадорлигини ошириш услубларини ишлаб чиқиш» мавзусида бўлиб ўтди.
Бугунги кунда Москва пўлат ва қотишмалар институти (МИСиС) Миллий тадқиқотчилик технологик университетининг Олмалиқ филиалида «Геотехнология (очиқ, ерости ва қурилиш)», «Тоғ-кон машиналари», «Таълим-тарбия назарияси ва методикаси», «Маркшейдерия» ҳамда «Тоғ-кон ишлаб чиқаришида физик жараёнлар» каби ихтисосликлар бўйича илмий диссертацияларни ҳимоя қилиш имкони мавжуд.
Эслатиб ўтамиз, Москва пўлат ва қотишмалар институти (МИСиС) Миллий тадқиқотчилик технологик университетининг Олмалиқ филиали Ўзбекистон Республикаси Президенти Шавкат Мирзиёев ташаббуси билан 2018 йилда республикамиз саноати учун юқори малакали муҳандис-техник кадрларни тайёрлаш мақсадида ташкил этилган.
Fact va fake oʻrtasidagi bosqichlar:
➡️Haqiqat
➡️Faktda xatolik
➡️Manipulyatsiya
➡️Xato maʼlumot
➡️Yolgʻon
ФСБ Волгоградда теракт олдини олди.
Текширувлар натижасида Москва, Санкт-Петербург, Уфа ҳамда Майкоп шаҳарларида террорчиларнинг шериклари қўлга олинган.
Россиянинг Волгоград шаҳрида Федерал Хавфсизлик хизмати ходимлари «Катиба Таухид валь-Джихад»* номли халқаро террорчи гуруҳ фаолиятини тўхтатди. Бу ҳақида РИА Новостига Куч ишлатиш муассасаси матбуот хизмати хабар қилди.
“Қўлга олиш вақтида гуруҳ раҳбари ва унинг ёрдамчиси Волгограддаги яширин жойдан террорчилик воситаларини олиш вақтида Россия ФХХ ходимларига қуролли қаршилик кўрсатиш оқибатида зарарсизлантирилди”, — дейилган муассаса хабарида
Бўлиб ўтган тинтувлар оқибатида ўқотар қуроллар, ўқ-дорилар, қўлбола портловчи мосламаларнинг таркибига кирувчи кимёвий моддалар, зарар етказувчи элементлари ҳамда диний мазмундаги адабиётлар ва бўлажак ҳужум жойлари белгиланган Волгоград харитаси топилган.Бўлажак терактларни тайёрлаш жараёнлари Сурия ҳудудидан туриб бошқариб турилган. Террорчилар ҳукумат органлари бинолари, ҳарбийлар ётоқхоналари, хавфли ишлаб чиқариш объектлари ва Она-Ватан ёдгорлигини портлатиб юбормоқчи бўлишган.
Текширувлар натижасида Москва, Санкт-Петербург, Уфа ҳамда Майкоп шаҳарларида террорчиларнинг шериклари қўлга олинган.
Эслатиб ўтамиз, ФХХ директори Александр Бортников июн ойининг ўрталарида Россияда сўнгги 10 йил ичида камида 160та терактнинг олди олингани 2019 йилда 43та 2020 йилда 20та терактнинг олди олингани ҳақида ҳисобот берган эди.
Манба: sputniknews-uz.
«FACT CHECKING»ning koʻrinishlari:
🤔 Tahliliy fact checking
🤨 Blits fact checking
🧐 Superblits fact checking
Kibrdan yiroq yurish lozim…
Aqlli odamning o’zidan uning aqlli ekanligini hech qachon eshitmaysiz. Chunki aqlli odamlar kamtar odamlardir. Ular o’zlarining kamtarliklari bilan faxrlanishadi. Ular yutuqlari va mukofotlari bilan maqtanmaydilar. Bu esa ularning jamiyatdagi nufuzini yanada oshiradi.
Самарқанд куни бу йил қандай нишонланди?
Бу йил Самарқанд куни ҳар сафаргига қараганда катта тантана билан байрам қилинади, кўплаб янги, аҳоли учун зарур объектлар ишга туширилди.
Анъана бўйича 18 октябрь Самарқанд куни нишонланди. Бундан 24 йил аввал, 1996 йили айнан шу куни кўҳна кентга Амир Темур ордени топширилган эди. Шундан кейин ҳар йили шаҳар куни сифатида байрам қилинади.
Дастлаб шаҳар жамоатчилиги вакиллари Амир Темур мақбарасида тўпландилар. Бу ерда Қуръони каримдан суралар тиловат қилинди. Шундан сўнг Соҳибқирон ҳайкали пойига гул қўйиш маросими ўтказилди.
Кун давомида қатор объектларнинг очилиш маросими ўтказилди. Жумладан, маҳаллий ва хитойлик тадбиркорлар иштирокида “Баҳор” савдо маркази (ГУМ) қайтадан реконструкция қилиниб, замонавий «MAKON MALL» савдо комплекси барпо этилди.
Самарқандда маҳаллий ва хитойлик тадбиркорлар иштирокида “Баҳор” савдо маркази қайтадан реконструкция қилинди. Унинг ўрнида чиройли ва замонавий «MAKON MALL» савдо комплекси барпо этилди. Лойиҳа қиймати 7,0 млн. АҚШ доллар бўлиб, шундан тўғридан-тўғри хорижий инвестициялар 2,0 млн. АҚШ долларни ташкил қилди. Мажмуада 100га яқин савдо дўконлари ишга туширилади ва кўплаб янги иш ўринлари ташкил этилади.
Шу куни Самарқанд шаҳар Давлат хизматлари марказининг замонавий биноси фойдаланишга топширилди. Бино давлат-хусусий шерикчилик асосида қурилган ва уни жиҳозлашда энг сўнгги ахборот технологияларидан фойдаланилган. Марказда мижозларга кенг ва ёруғ залда, қулай шароитларда хизмат кўрсатилади. Электрон навбат тизими 18 та мониторда акс этиб туради, 36 та қабул ойнасида кўрсатиладиган хизматларда шаффофлик асосий мезон саналади.
Шунингдек, марказга ташриф буюрувчи мурожаатчиларнинг фарзандлари учун болалар майдончаси ҳам ташкил этилган. Шаҳар фуқаролик ҳолати далолатномалари ёзиш бўлими, тадбиркорлар учун бош вазир қабулхонаси, инвесторлар хонаси, адвокатура, нотариус ва суғурта бўлими, банк кассаси, ҳайдовчилик гувоҳномасини алмаштириш ҳамда фуқаролик паспортини бериш бўйича шаҳар ички ишлар бўлими ходими хонаси ҳам мавжуд.
Шаҳарни Кимёгарлар қўрғони билан боғловчи Нарпай кўчасининг рамзий очилиш маросими бўлиб ўтди. Янгича қиёфа акс этган кўча қайтадан тўла таъмирланди.
Яна бир объект Самарқанд тумани ҳудудида жойлашган “Кўксарой автомолл” бўлди. Унинг умумий майдони 69,88 гектар бўлиб, шундан 4 гектарида савдо комплекси барпо этилиши режалаштирилган. Қолганида турли хилдаги замонавий қурилиш материаллари ишлаб чиқариладиган корхоналар ташкил этилади. Бу ишларга 100 млн. АҚШ доллари сарфлаш мўлжалланган.
Кенг қамровли қайта таъмирлаш ишларидан сўнг шаҳарнинг энг серқатнов йўлларидан бири бўган Афросиёб кўчаси фойдаланишга топширилди. Кўчанинг умумий узунлиги 1654 метрни ташкил этиб, унга 29200 тонна асфальт, 3108 метр лоток ётқизилди, 3108 метр пиёдалар йўлаги қурилди, 110 дона ёритиш чироқлари ўрнатилди. Кўчада канализация тизими мавжуд эмасди. Қайта таъмирлашдан сўнг бу ерда талабларга мос тарзда канализация тизими ўрнатиш ишлари ҳам олиб борилди. Асфальт ётқизиш ишларни юқори сифатда “Самарқанд йўллардан мунтазам фойдаланиш” унитар корхонаси амага оширди.
Байрам муносабати билан ишга туширилган объектлардан яна бири Самарқанд шаҳрини Жомбой ва Оқдарё туманлари билан боғлайдиган замонавий кўприк бўлди. »Самарқанд йўллардан мунтазам фойдаланиш” унитар корхонаси’ томонидан 3,5 миллиард сўм маблағ эвазига бунёд этилган кўприкнинг узунлиги 90 метр, эни 7,5 метр бўлиб, у 100 тоннагача юк кўтариш имкониятига эга. Кўприкка тунги ёритиш чироқлари учун 15 та устун ҳам ўрнатилди. Шунингдек, кўприк иллюминацион чироқлар билан ҳам безатилган.
Байрам муносабати билан қатор кўнгилочар тадбирлар ўтказилди, махсус жиҳозланган майдончаларда концерт дастурлари намойиш этилди. Элимиз ардоқлаган Ўзбекистон Республикаси халқ артистлари Фаррух Зокиров ва Насиба Абдуллаеванинг чиқишлари томошабинлар томонидан илиқ кутиб олинди.
Ўзбекистон Ёзувчилар уюшмаси вилоят бўлими ва «Овози Самарқанд» газетаси ҳамкорлигида шаҳар куни муносабати билан «Самарқанд-шоирлар мадҳида» номли шеърият танлови ташкил этилди. Унда вилоят ижодкорлари, уюшма аъзолари, ёшлар фаол қатнашиб, Она-Ватан, Самарқанд шаҳри, ободончилик, бунёдкорлик, халқлар дўстлиги мавзуида ёзилган шеърларидан ўқиб беришди. Танлов иштирокчилари ва ғолибларига ташкилотчилар томонидан янги нашр этилган бадиий китоблар жамланмаси, Хоразм вилоятига саёҳатга йўлланмалар, «Фахрий Ёрлиқ»лар тантанали равишда топширилди.
Тошпўлат Раҳматуллаев,
Самарқанд вилояти бўйича ўз мухбиримиз
Карантин шароитида тўйларни ким назорат қилади?
Карантин талаблари юмшатилиши билан 30 кишидан ошмаган меҳмонлар иштирокида тўй ўтказишга рухсат берилди. Бу талаб қандай бажарилмоқда? Тўй-маъракаларни тартибли ўтказилишини ким ва қандай назорат қилмоқда? Барча масъулият маҳалла фуқаролар йиғинлари раиси зиммасида қолиб кетмадими?
Яширишнинг ҳожати йўқ, ҳамма кўриб турибди: тўйларни 30 киши билан ўтказиш талаби деярли бажарилмаяпти. Бу талабни назорат қилиш механизми ишлаб чиқилмаган. Фақат блогерларнинг суратли ёки видеоли хабаридан сўнг, ички ишлар органлари жунбушга келади. Гоҳида кимдир қоидабузарлик ҳақида хабар берганда, шошилинч чора кўрилади. Махсус комиссия ташкил этиб, унинг мунтазам равишда рейдлар уюштирилиши, карантин талабларини бузаётганларни жазолаши ва бу ҳақда кенг оммани хабардор этиши каби самарали ишлар эътибордан четда қолиб кетмоқда.
Бир гап бўлганда, МФЙ раиси ва профилактика инспекторидан талаб қилинади. Аммо улар қанчалик қаттиқ назорат қилмасин, қўйилган талабни тўласинча бажариш имкони бўлмаяпти. Гап уларнинг сўзи ўтмаслигида эмас. Бу ерда қатор омилларни инобатга олиш лозим.
Биринчидан, бизнинг шароитда 30 киши билан тўй ўтказишнинг ўзи бир муаммо. Аксариятнинг тили учида турган, ҳар кунлик ҳаёт кўрсатиб турган бу ҳақиқат учун муаллифни сиёсатни тушунмасликка, махсус комиссия қарорини инобатга олмасликка айблаш ўринли деб ҳисоблайман. Чунки шаҳарларда, айниқса қишлоқ жойларида ҳақиқий аҳвол қандайлигини кўпчилигимиз яхши биламиз.
Иккинчидан, шаҳарларда мавжуд талабларни амали ёки пули борлар бузмоқда. Улар тадбирини тўйхоналарда, МФЙ раиси ва профилактика инспекторидан узоқда ўтказмоқда. Нега бу тўйхоналарни ҳеч ким назорат қилмайди? Масалан, Самарқандда Спитамен шоҳкўчасида янги очилган тўйхонада мунтазам тўй ўтказилаётканлигини эшитиб турибмиз. Бу ҳақда хабари бўлган бошқа оддий фуқаролар – тўй соҳибларининг “нега фалончиларга мумкин экану, бизга қолганда қоидани пеш қиласиз”, деган сўзларига МФЙ раисининг жўяли жавоб топиши осон бўлмайди.
Учинчидан, назорат йўқлиги, қоидабузарликларнинг олдини олишга ҳаракат бўлмаётганлиги, фақатгина бошқа йўл билан мавжуд тартиб бузилганлиги аниқланганда, жазо чораси кўрилаётганлиги туфайли тўй соҳиблари “ўтиб кетар”, “душманимиз йўқ, тўйимиз ҳақида ҳеч ким хабар тарқатмайди” деган фикр-ўйлар билан тўйга бел боғлашади. Дарҳақиқат, аксарият тўй-маърака қилаётганлар учун тартибга риоя қилмаслик “ўтиб кетмоқда”. Фақат айримларгина жаримага тортилмоқда, эл ўртасида шарманда қилинмоқда. Лекин бунинг таъсири жамиятда деярли сезилмаяпти, ундан хулоса чиқарётганлар унчалик кўп эмас.
Хўш, нима қилмоқ керак? Камина Самарқанд шаҳридаги маҳаллалардан бирининг раиси сифатида бошқа МФЙлари раислари билан суҳбатлар, муҳокамалар ташкил этдик. Бу муаммо юзасидан Самарқанд вилоят Тўй ва маросимлар, оилавий тантаналар ўтказилишини назорат қилиш бўйича вилоят мувофиқлаштирувчи комиссияси штаби раҳбари Юсуф Салимов билан ҳам суҳбатлашдим. Ана шу муҳокамалар асосида қуйидаги таклифларни ўртага ташламоқчиман.
2019 йил 14 сентябрда Олий Мажлиси Қонунчилик палатаси ва Олий Мажлис Сенатининг “Тўйлар, оилавий тантаналар, маърака ва маросимлар ўтказилишини тартибга солиш тизимини янада такомиллаштириш тўғрисида”ги қўшма қарори қабул қилинди. Қарор 2020 йл 1 январдан кўчга кирди. Унинг ижроси учун вилоятларда махсус штаб ташкил этилди. Ана шу штаб, яъни махсус комиссия ишини йўлга қўйиб, унга тўй-маъракалар ўтишини назорат қилиш ва ўша заҳоти керакли қарор қабул қилиш ваколати бериш зарур. Ҳар бир шаҳар ва туманда шундай комиссиялар ташкил этиш ва улар ҳар куни рейдлар уюштириб, қоидабузарлик ҳолатларини аниқлаб, бунга йўл қўйганларни жазога тортса, вазият яхши томонга ўзгариши мумкин.
Эрта-индин ёғингарчилик бошланиб, кунлар совуса, ҳовлида тўй ўтказишнинг иложи бўлмайди. Бундай шароитда тўй соҳиблари қандай йўл тутиши керак?Аксарият тўйхоналар 30 кишига “заказ” олмайди. Чунки, уларнинг айтишича, бундан тушадиган маблағ электр энергияси, сув ва газ харажатлари, официант ва бошқа ходимлар хизмат ҳақини қопламас экан. Карантин талаблари юмшатилганлиги сабабли тўй-маъракаларни тўйхоналарда 60 киши билан ўтказишга рухсат берилса, балки қоидабузарликлар бўлмасди.
Аслида қоида ва қонунларга амал қилинсагина улар жамиятга ҳам, давлатга ҳам, алоҳида шахсга ҳам фойдали бўлади. Қоида ва қонунлар бўлсаю, улар мунтазам бузилса, одамларда қонунга амал қилмаса ҳам бўларкан деган фикр шаклланади. Бундан эса ҳеч бир томон манфаат кўрмайди, бу ҳаммага зарар.
Айни кунларда карантин шароитида тўй-маъракаларни ўтказишга қўйилган талаблар бузилаётган экан, бундан тўғри хулоса чиқаришими ва шунга мувофиқ йўл тутишимиз лозим. Шундай эмасми?
Мақолани тугатиб, энди таҳририятга юбораман деб турганимда, маҳалламиз фуқароларидан бири ҳузуримга келиб, 80 киши билан ресторанда тўй қилмоқчи эканлигини айтди. Тартибни бузиш мумкин эмаслигини айтганимда, у ресторан эгаси ҳаммасини бўйнига олишини, керакли ташкилотлар билан келишиб қўйганлигини айтди. “Бу қандай бўлади” деб ҳайратда қолганлигимин кўрган йигит шундай жавоб берди: “Ресторану тўйхоналарни бир айланиб чиқинг, деярли ҳар куни банд, 100 ва ундан кўпроқ киши билан тўй ўтказишга “заказ” олган. Хўжайинларининг айтишича, керакли одамлар билан гаплашиб қўйилган. Маҳалламиз яқинида жойлашган сиз билган машҳур тўйхона яқинда катта амалдорнинг тўйини дабдабали ўтказиш учун буюртма олган”.
Агар шу гаплар ҳақиқат бўлса, қонуну қарорлар ҳолига вой!
Тошпўлат РАҲМАТУЛЛАЕВ Самарқанд вилояти
бўйича ўз мухбиримиз
Ички ишлар ходими фуқароларнинг паспортини текширишга ҳақлими?
«Ички ишлар органлари тўғрисида»ги Қонунга асосан ички ишлар органлари ўз хизмат мажбуриятларини амалга ошириш чоғида
фуқароларнинг шахсини тасдиқлайдиган ҳужжатларини текшириш ҳуқуқига эга.Бу хақида хуқуқ тарғибот канали хабар қилмоқда.
Шунингдек, Жиноят-процессуал кодексига мувофиқ, шахсни жиноят содир этишда гумон қилиш учун асос бўладиган маълумотлар мавжуд бўлиб, у қочмоқчи бўлса ёки доимий яшайдиган жойи йўқ ёхуд шахси аниқланмаган бўлса ушлаб турилиши мумкин.
Бундай ҳолларда ички ишлар органи ходими (бошқа ваколатли шахс):
— ўзини таништириши ва ушлаб турилган шахснинг талабига кўра ўз шахсини тасдиқловчи ҳужжатни кўрсатиши;
— гумон қилинувчига у жиноят содир этишда гумон қилиб ушланганлигини маълум қилиши;
— ушлаб турилган шахсга адвокатга ёки яқин қариндошига телефон қилиш ёки хабар бериш, ҳимоячига эга бўлиш, кўрсатувлар беришни рад этишга бўлган процессуал ҳуқуқларини тушунтириши;
— ушлаб турилган шахсга у берган кўрсатувлардан жиноят ишига доир далиллар сифатида унинг ўзига қарши фойдаланилиши мумкинлигини билдириши;
— ушлаб турилган шахсдан яқин орадаги ички ишлар органига ёки ҳуқуқни муҳофаза қилувчи бошқа органга бирга боришини талаб қилиши шарт.
Ушбу процессуал ҳаракатлар видеоёзув орқали қайд этилиши шарт (кечиктириб бўлмайдиган ҳоллардан ташқари).
Рекордга ўч ўзбеклар яна бир шов-шувга қўл урмоқчи
Овқатлар бўйича турли рекордлар қўйишни одат қилган ўзбек халқи бу сафар 10 метрлик кабоб тайёрламоқчи. Бунгача ҳам тонналаб ош ва сумалаклар тайёрланган.
18 октябр якшанба куни пойтахтнинг «Наврўз» истироҳат боғида 10 метрлик кабоб фестивали ўтказилади. Бунинг учун махсус майдон ҳозирланган. Ошпазлар кабобни тайёрлаб, унинг узунлигини панжара устида ўлчайдилар.
Шунингдек, фестивалда миллий таомлар, мусиқий чиқишлар, ҳунармандлар, рассомлар, асал кўргазмаси ва бошқа дастурлар ҳам бўлиб ўтади.
Россия Истанбулда одам ўлдиришда айбланаётган ўзбекистонлик фуқарони Туркияга топширди.
Россия 2016 йилда Истанбулда содир этилган қотилликда айбланаётган Ўзбекистон фуқаросини Туркияга топширди. Бу ҳақда Россия Бош прокуратураси матбуот хизмати хабар берди.
Маҳкама хабарида айтилишича, қотиллик содир этилгандан кейин ўзбекистонлик шахс изсиз ғойиб бўлган ва қидирувга берилган.
«Россия Федерацияси ҳудудида унинг жойлашган жойи аниқланганлиги муносабати билан Туркия Республикаси Бош прокуратураси айбланувчини экстрадиция қилиш тўғрисида Россия Федерацияси Бош прокуратурасига сўров юборди. Сўров қондирилди», — дейилади Россия Бош прокуратураси маълумотида.
Қайд этилишича, ушбу фуқарони топшириш масаласи эпидемиологик вазият туфайли мураккаблашган.
«Туркия кучишлатар тузилмалари ходимлари ҳамроҳлигида ва барча хавфсизлик чораларига риоя қилган ҳолда, айбланувчи Туркияга етказилди», — дейилади маҳкама хабарида.
Манба: kun.uz
Пойтахтда жамоат транспорти учун электробуслар харид қилинади
«Тошшаҳартрансхизмат» 2021-2023 йиллар давомида ҳар йили 100 донадан, жами 300 дона катта сиғимли шаҳар электробуслари ва қувватлаш ускуналарини қилади. Электробусларнинг бир донаси 3 млрд 255 млн сўмга (тахминан 315 минг доллар) харид қилинади.
Бу «2021-2023 йилларда «Тошшаҳартрансхизмат» АЖ тизимидаги корхоналар ҳаракат таркибини янгилаш дастури тўғрисида»ги ҳукумат қарори лойиҳасида кўзда тутилган.
300 дона электробуслари ва қувватлаш ускуналарини харид қилишда «Ўзсаноатқурилишбанк» АТБнинг 7 йиллик муддатга, бир йиллик имтиёзли шартлар билан, Марказий банкиннг қайта молиялаштириш ставкаси миқдорида, банкнинг 0,5 фоиздан ортиқ бўлмаган маржаси қўшилган ҳолда ажратиладиган кредит маблағларидан фойдаланилади.
WSJ: Тоғли Қорабоғга Туркияга алоқадор юзлаб суриялик жангарилар юборилди
Тоғли Қорабоғга Туркияга алоқадор юзлаб суриялик жангарилар кўчириб ўтказилди. Бу ҳақда The Wall Street Journal газетаси Суриядаги манбаларига таяниб хабар қилди.
«Суриялик жангариларнинг юзлаб аъзолари Туркия билан иттифоқчиликда Озарбайжон ва Арманистон ўртасида Тоғли Қорабоғ туфайли бўлиб ўтаётган жангларга қўшилди, яна юзлаб нафари жўнашга тайёрланмоқда», — дея маълум қилди нашрга Сурияда жангариларнинг кўчириб ўтказилишига алоқадор икки манба.
Туркия жангариларни ёллаётгани ҳақидаги маълумот июлда, ҳудудда яна жанглар авж олгач тарқалган эди, деди газета манбалари.
Улардан бирининг сўзларига кўра, жангарилар Қорабоғга сентябрь ўрталаридан буён ҳар бири юз кишилик гуруҳларга бўлинган ҳолда жўнаб кетмоқда. Исёнчилар билан боғлиқ яна бир сурияликнинг тасдиқлашича, ҳудудга юз киши жўнаб кетган, аммо «уларнинг ўнлаб нафари шафқатсиз жанглардан ташвишга тушган ҳолда қайтиб келган».
Исёнчилардан бири нашрга маълум қилишича, жанглардаги иштироки учун ёлланма жангчилар ойига 2 минг доллар олади. Бошқасининг таъкидлашича, суриялик жангчилар орасидаги талафот тез ўсмоқда ва 200 га яқини уларни ортга қайтаришни сўраган.
Туркия расмий шахслари орасидаги манбалар Анқара Озарбайжонда икки ҳафталик ҳарбий машғулотларни ташкиллаштирганини ва «Озарбайжон ҳукуматига зарбдор учувчисиз қурилмаларни тақдим этгани»ни нашрга маълум қилди. АҚШ мудофаа вазирлиги маълумотларига кўра, Туркия аввал ҳам 5 мингга яқин суриялик жангариларни Ливияга юборган.
«Ливия ёки Озарбайжонга юбориш оддий ҳолга айланди. Кимнинг томонида туриб ёки кимга қарши жанг қилиш одамларни ортиқ қизиқтирмайди, энди улар фақат пул ҳақида сўрайди. Улар пул бор жойга кетаверади», — деди ёлланма жангчилардан бири.
Туркия Суриядан жангариларни Тоғли Қорабоғга кўчириб ўтказгани ҳақидаги айбловларни рад этди. Озарбайжон ҳам жангларга чет эллик ёлланма жангчиларни жалб этмаганини маълум қилди.
Эслатиб ўтамиз, Тоғли Қорабоғда кенг қамровли жанговар ҳаракатлар 27 сентябрдан буён давом этмоқда. Озарбайжон ва Арманистон 10 октябрь куни соат 12:00 дан бошлаб Тоғли Қорабоғда ўт очишни тўхтатиш тўғрисида келишиб олганди. Аммо шу куни кейинроқ Арманистон ва Озарбайжон Мудофаа вазирликлари бир-бирини Тоғли Қорабоғда ўт очишни тўхтатиш режимини бузишда айблади.
Манба: daryo.uz
ЖССТ ёш соғлом кишилар вакцинани 2022 йилгача олмасликлари мумкинлигини билдирди
Бу ҳақда ЖССТнинг бош илмий ходими Сумия Сваминатан маълум қилди. Унга кўра, ёш соғлом кишилар 2022 йилгача коронавирусдан эмланадиганлар тоифасига киритилмасликлари мумкин, чунки эмлашда устунлик аҳолининг бошқа тоифаларига берилади.
“Кўпчилик эмлашни соғлиқни сақлаш тизими ходимлари ва вирусга қарши курашнинг олд сафларида турганлар олиши кераклигига розилар. Бироқ бу ҳолатда ҳам улардан қай бири кўпроқ хавф остида эканини аниқлаб олишингиз лозим, сўнгра кексалар ва бошқалар эмланади. Бу борада кўплаб йўриқномалар пайдо бўлади, бироқ фикримча, ёш ва соғлом кишилар вакцинани 2022 йилгача кутиб туришларига тўғри келади”, деб таъкидлаб ўтган ЖССТ вакили.
“Одамлар 1 январда ёки 1 апрелда вакцинани оламан ва ҳаммаси изига қайтади, деб ўйлашга мойиллар. Бироқ бундай бўлмайди”, деб қўшимча қилган Сваминатан.
У 2021 йилгача дунёда жуда бўлмаса битта хавфсиз ва самарали вакцина пайдо бўлишига умид билдирган. Бироқ бундай ягона вакцина чекланган ҳажмда бўлади. Мутахассиснинг таъкидлашича, айни вақтда дунёда коронавирусга қарши 10дан кўпроқ вакцина якуний синовлардан ўтмоқда.
Бу орада ЖССТнинг шошилинч касалликлар бўлими раҳбари Мария Ван Керкховнинг таъкидлашича, бирор давлатнинг бутун аҳолисини эмлашдан олдин бутун дунё бўйлаб вирус олдида энг заиф тоифадаги одамларни эмлаш зарур.
Унинг таъкидлашича, вакцина ҳали йўқ бўлган ҳозирги шароитда ҳам вирус тарқалишини тўхтатиш мумкин. Бунинг учун ниқоб тақиш, гавжум жойлардан қочиш ва қўлларни совунлаб ювиш лозим.
Гўшт, шакар, ёғ ва картошка вақтинча ҚҚСдан озод этилади
Бу ҳақда Олий Мажлис Қонунчилик палатаси депутати Расул Кушербаев маълум қилди. Унга кўра, пандемия даврида аҳоли ва тадбиркорларни қўллаб-қувватлаш, нархлар барқарорлигини таъминлаш мақсадида Солиқ кодексига қўшимчалар киритилмоқда.
Ўзгартишга асосан, 2020 йил 15 октябрдан бошлаб қуйидагилар қўшилган қиймат солиғидан озод этилиши кутилмоқда:
2021 йил 1 январгача Ўзбекистон Республикасига шакар ва шакар ҳом ашёсини олиб кириш, шунингдек уни реализация қилиш айланмалари;
2021 йил 1 июлгача Ўзбекистон Республикасига картошка, ўсимлик ёғи, гўшт (мол гўшти, қўй гўшти, товуқ гўшти ва бошқалар), ҳайвонларни (қорамол ва парранда) тирик ҳолда ва уларни сўйишдан олинган маҳсулотларни олиб кириш, шунингдек уларни реализация қилиш айланмалари.
«Бу тартиблар четдан маҳсулот олиб кириш билан бирга ички бозорда шу билан шуғулланаётган тадбиркорларимиз учун ҳам қўлланиши кўзда тутилмоқда. Шу сабабли қонун лойиҳаси матни кейинги ўқишларда таҳририй жиҳатдан ўзгартирилди.
Бу ўз ўрнида бозорларда ошиб бораётган ўсимлик ёғи, гўшт ва бошқа истеъмол маҳсулотларининг нархи пасайиб, барқарорлашига олиб келиши зарур», – деб ёзди Кушербаев Telegram’даги каналида.
Унинг сўзларига кўра, қонун лойиҳаси депутатлар томонидан қўллаб-қувватланган. Лойиҳани шу ҳафта сўнггида кутилаётган Сенат ялпи мажлисига киритиш режалаштирилган.
Қонун лойиҳаси депутатлар К.Эрназаров, М.Қурбонбоев ва А.Умиров ташаббуси билан ишлаб чиқилган.
Faktlarni tekshirishning axloqiy standartlari:
✔️ Betaraflik va adolat;
✔️ Manba izlashda shaffoflik;
✔️ Moliyalashtiruvchi tashkilotning shaffofligi;
✔️ Izlanish uslubining shaffofligi;
✔️ Manbaga berilgan bahoni tekshirish, tahrirlash va tahlil qilish.
