15.1 C
Узбекистан
Суббота, 13 апреля, 2024
Домой Блог Страница 443

2022/2023 ўқув йилидан битирувчиларнинг баҳолари ОТМга кириш имтиҳонларида инобатга олинади

Аввалроқ, халқ таълими вазири Шерзод Шерматов мактаб битирувчиларининг охирги 6 йиллик баҳоларининг ўртача кўрсаткичи ОТМга кириш имтиҳонларида инобатга олиниши ҳақида маълум қилганди.

Давлат тест маркази томонидан буни тартибга солувчи ҳукумат қарори лойиҳасини муҳокамага чиқарди.  

Қайд этилишича, 2022/2023 ўқув йилидан бошлаб умумий ўрта, ўрта махсус таълим муассасалари ва касб-ҳунар мактаблари битирувчиларининг шаҳодатномаси (аттестати) (диплом иловаси)га мажбурий 11 йиллик таълимнинг сўнгги 6 йиллик баҳолари ўртача кўрсаткичи киритилиши ва ушбу кўрсаткич 2023/2024 ўқув йилидан бошлаб олий таълим ташкилотига кириш имтиҳонларида инобатга олинади.

Тасарруфида умумий ўрта, ўрта махсус таълим муассасалари ва касб-ҳунар мактаблари мавжуд бўлган вазирлик ва идоралар 2022/2023 ўқув йилидан бошлаб ўз битирувчиларининг сўнгги 6 йиллик баҳоларини акс эттирувчи электрон платформани яратади.

ДТМ томонидан 2022 йил 1 январга қадар умумий ўрта, ўрта махсус таълим муассасаларини 2023 йилга қадар тамомлаган битирувчиларнинг шаҳодатнома(аттестат)даги (диплом иловасидаги умумтаълим фанлари бўйича) баҳоларнинг ўртача кўрсаткичини акс эттирувчи махсус электрон платформа яратилади.

2020 йилда ўзбекистонлик туристлар қаерга кўп боргани айтилди

2020 йилда туристик мақсадларда чет элга кетган Ўзбекистон фуқаролари сони 2 млн кишини ташкил қилди. Бу рақамлар Давстатқўмнинг тегишли маълумотларида кўриш мумкин.  

2019 йилга таққосланганда бу кўрсаткич 76,3 фоизга камайган. Бунда кетганларнинг умумий сонида бир киши бир неча марта ҳисобланиши мумкин ва бу алоҳида ҳолат сифатида ҳисобга олинади.

Туристик мақсадларда чет элга кетган Ўзбекистон фуқароларининг 54,2 фоизини эркаклар, 45,8 фоизини аёллар ташкил этди.

Чет элга кетган фуқароларнинг асосий қисми, яъни 47,4 фоизи Қирғизистонга (947,7 минг киши), 26,0 фоизи Қозоғистонга (520,3 минг киши), 15,0 фоизи Тожикистонга (299,5 минг киши), 3,1 фоизи Туркияга (62,7 минг киши) ва 2,7 фоизи Россияга (53,2 минг киши) борган.

Ўтган йилнинг январь-декабрь ойларида чет элга кетган Ўзбекистон фуқароларининг сафар мақсадлари бўйича тақсимланишидан кўриш мумкинки, уларнинг 84,7 фоизи ўз қариндошларини йўқлаш мақсадида, 7,9 фоизи бўш вақт ва дам олиш мақсадида, 5,4 фоизи ўқиш мақсадида, 1,2 фоизи хизмат юзасидан ва 0,8 фоизи даволаниш мақсадида кетган.

Бу даврда хорижга кетган сайёҳларнинг ёши бўйича тақсимланганда, уларнинг 47,6 фоизи 31-55 ёшлилар, 32,4 фоизи 19-30 ёшлилар, 14,1 фоизи 56 ёш ва ундан катталар ва 6,9 фоизини 18 ёшгача бўлганлар ташкил этган.

Тошкентнинг “Эски шаҳар” ҳудудида Миллий савдо шаҳарчаси ташкил этилади

Тижорат банклари томонидан янги инвестиция лойиҳалари тайёрланиб, президентга тақдим қилинди.

Қайд этилишича, 10 та йирик тижорат банки томонидан жами қиймати 1,5 млрд доллар бўлган 136 та янги лойиҳа таклифлари ишлаб чиқилган.

Хусусан, Асака банк кредити иштирокида пойтахтимизнинг “Эски шаҳар” ҳудудида Миллий савдо шаҳарчасини ташкил этиш мўлжалланган.

Агробанк томонидан тўқимачилик кластерлари билан биргаликда қўшимча 43 та лойиҳа шакллантирилган. Жами 501 миллион долларлик ушбу лойиҳалар натижасида пахта толасини қайта ишлаш даражаси анча ошиб, тайёр маҳсулотлар ишлаб чиқариш кўлами кенгаяди.

Миллий банк томонидан жорий йилда 225 млн долларлик 6 та янги лойиҳани амалга ошириш кўзда тутилмоқда. Мисол учун, Қорақалпоғистон Республикаси, Навоий ҳамда Наманган вилоятларида поливинилхлорид ва алюминий ромлар ишлаб чиқариш, пойтахтимиз ва Тошкент вилоятида поезд вагонлари ҳамда юк машиналарига хизмат кўрсатувчи транспорт-логистика марказини ташкил қилиш лойиҳалари шулар жумласидандир.

Ўзсаноатқурилишбанк томонидан “Ургут” эркин иқтисодий зонасида 110 млн долларлик лойиҳани амалга ошириш режалаштирилмоқда. Бунда, йилига 600 минг тонна пўлат маҳсулотлари ишлаб чиқариш қуввати пайдо бўлади.

Ипотека банк Қуйи Чирчиқ туманида 27 гектардан зиёд майдонда замонавий логистика фаолиятини ташкил этиш лойиҳасига сармоя киритмоқчи. Бу корхона бир вақтда 120 та юк машинаси ва 25 та вагонга хизмат кўрсатиш имконига эга бўлади.

Давлат раҳбари ушбу лойиҳалар аввало иш ўринлари яратиш, экспортбоп маҳсулотлар ишлаб чиқаришга йўналтирилган бўлиши кераклигини таъкидлади.

10 йил олдин Мисрда коррупцияга қарши норозилик намойиши ёшлар ва «оқ ёқа»лар томонидан бошланган эди

Аслида бу инқилобни радикал-исломчилар эгарлагандилар…Ўтган ҳафта Мисрда 2011 йилги «инқилоб»нинг ўн йиллиги «нишонланди», яъни ўша «инқилоб» бутун Яқин Шарқва Шимолий Африкада беқарорлик ва келишмовчиликлар даври бошланишини эди

Қоҳирадаги ўша кунларни эслаб, Таҳрир (Озодлик, ўтган асрнинг 52-йилида монархия ағдарилганидан кейин шундай номланган) асосий майдонидаги қарама-қаршилик натижалари ва атрофимиздаги барча воқеаларни кузатиб турсак, гуёки «қундуз (сурка) куни» бошланади (ёки давом этади)…

Ўн йил муқаддам, Ҳусни Муборакнинг (яни 30 йил давомида ҳокимият тепасида) мухолифлари Таҳрирга ўз-ўзидан чиқишганига ҳамма амин эдилар. Шиорлардаги асосий хабар: “Диктатор ўз фуқароларини сабр-тоқат чегарасига етказди».


Таҳрир майдонида, оммавий ахборот воситаларида, ижтимоий тармоқларда, ошхоналарда президент Муборак барча ўлик  гуноҳларда айбланди: коррупция, саройлар, бизнесдаги қариндошлар ва дўстлар.
Билимли ёшлар, офис ишчилари, кичик ва ўрта бизнес вакиллари Муборакка қарши норозилик намойишини бошладилар.  Ҳаммаси ўзгаришни талаб қилди.

Аммо тез орада Таҳрирга исломчилар тарафдорлари — «Мусулмон Биродарлар» (Братъя мусулмане) келишди ва биродарлар  нафақат ўзгаришларни, балки туб ўзгаришларни ҳам талаб қилишди. Норозиликни ҳар доим кучлироқ бўлган киши қўлга  олади ва бошқаради. Радикаллар бўлса доимо ҳипстерлардан кучлироқдир.

Дарвоқе, «инқилоб»дан кейин Муборакда ҳеч нарса топилмади, на пул, на чет элда ҳисоб-китоб, на сарой. Дарҳақиқат, бутун бирлашган намойишчиларга қараганда, барча камчиликларига қарамай, Муборак ўз  Ватанининг каттароқ ватанпарвари бўлиб чиқди.

10 йил олдин «рангли инқилоблар» замонавий технологиялари ҳали ҳам янги эди, аммо ўша пайтларда ҳам бу воқеалар  «Твиттер инқилоби» ёки «Араб баҳори» деб номланди. Аммо, баҳор исиши содир бўлмади, Мисрга жиддий совуқлар келди.

Мамлакат ҳали ҳам иқтисодий, ҳам сиёсий жиҳатдан тикланмади. 2011 йилда, «инқилоб»дан олдин, иқтисодиёт йилига 5% дан кўпроқ ўсиб борар эди, шу пайтгача улар фақат шундай ўсишни орзу қилишмоқда.

Мисрга сайёҳлар боришни истамайдилар, чунки мамлакатда терактлар хавфи юқори. Синай ярим оролининг шимолини  ҳанузгача «мужаҳиддин» назорат қилмоқда. Ва у ерларни қачон тартибга солишларини ҳеч ким билмайди.

Мисрга ҳали ҳам омад келди, Сурия ёки Ливиядан фарқли ўлароқ. У ерда ҳарбийлар «Мусулмон Биродар»ларни ҳокимиятдан қувиб чиқарди. Агар ундай бўлмаганда? Мисрда кўплаб насронийлар бор ва черковлар мавжуд. Нима бўпти? — черковларни  ёқиш, қадимий насронийларнинг яшаш жойларини йўқ қилиш, фуқаролар уруши ва вайронагарчиликлар…

Ҳа унутмайлик, кимдир (эҳтимол ўқувчиларнинг ўз фикри бор — ким) Таҳрирдаги норозиликларни молиявий қўллаб-қувватлади.


Виктор МИХАЙЛОВ

Самарқандда мактаб қурган фирманинг 600 млн сўмдан ортиқ маблағни талон-торож қилгани аниқланди

0

Самарқанд ва Каттақўрғон туманларида қурилиш-таъмирлаш ишларини амалга оширган жамият раҳбарларига нисбатан жиноят иши қўзғатилди. Бу ҳақда UzNews.uz’га Бош прокуратура Матбуот хизмати раҳбари Хаёт Шамсиддинов маълум қилди.

Маълум қилинишича, Бош прокуратура ҳузуридаги Департаментнинг Самарқанд вилояти бошқармаси томонидан ўтказилган терговга қадар текширувда, Самарқанд туманидаги 24-сонли умумий ўрта таълим мактабда “F.” МЧЖ томонидан амалга оширилган ишлар ўрганилганда, жамият раҳбарлари смета ҳужжатларида кўрсатилган қурилиш-монтаж ишларини амалда тўлиқ бажарилмасдан, маълумотларни қўшиб ёзиш орқали 631,7 млн сўм бюджет маблағларини талон-торож қилганликлари аниқланган.

Худди шундай, вилоят бошқармаси томонидан ўтказилган яна бир терговга қадар текширувда, Каттақўрғон туманидаги учта маҳаллада қурилган сув чиқариш иншоотида “N.” МЧЖ томонидан амалга оширилган ишлар ўрганилганда, жамият раҳбарлари смета ҳужжатларида кўрсатилган қурилиш-монтаж ишларини амалда тўлиқ бажарилмасдан, маълумотларни қўшиб ёзиш орқали 240,5 млн сўм бюджет маблағларини талон-торож қилганликлари аниқланган.

Мазкур ҳолатлар юзасидан МЧЖ мансабдор шахслари ва бошқаларга нисбатан Жиноят кодексининг 167-моддаси 3-қисми билан жиноят ишлари қўзғатилиб, тергов ҳаракатлари ўтказилмоқда.

Заиф феъллилик

Масъулиятни олишдан қочиш, мустақил фикр қабул қила олмаслик, ҳадеб нолиш ва ўзини четга олиш — ҳар қандай инсонни фойдасиз буюмдек қилиб қўяди. Бундай шахсларга умуман ишониб бўлмайди, улар керакли пайтда шарманда қилиб қўйишлари мумкин. Шу боисдан ҳам инсон ҳамиша жамиятда ўз ўрнига эга бўлиши учун қатъиятлиликни ўзида шакллантириши лозим.

Февралнинг илк ҳафтаси илиқ кечиши кутилмоқда

0

Ўзгидромет хабарига кўра, 1 февраль куни республиканинг кўпчилик вилоятларида меъёрга яқин бўлган қуруқ ва илиқ об-ҳаво кузатилади. Фақат куннинг биринчи ярмида Тошкент, Жиззах, Сирдарё вилоятларида ёмғир ёғиши эҳтимоли сақланиб туради. Ҳаво ҳарорати охирги кунга нисбатан пасаяди ва +8…+13 даража илиқни ташкил этади.  

2 февраль куни Туркманистон орқали Каспий денгизидан нам ҳаво массалари кириб келиши ҳисобига Бухоро, Навоий, Самарқанд вилоятларида кечаси ва эрталаб бироз ёмғир ёғиши мумкин, Қашқадарё, Сурхондарё вилоятларида баъзи жойларда ёмғир ёғади. Ҳаво ҳарорати кечаси 0…+5 даража илиқ, кундузи +10…+15 даража илиқ атрофида бўлади.

Иш ҳафтасининг охиригача ёғингарчилик кутилмайди. Кечалари ҳарорат 0…+5 даража илиқ, кундуз кунлари +10…+15 даража илиқ атрофида бўлади, жума куни +14…+17 даража илиққача кўтарилади.

Ҳафта давомида республиканинг тоғли ҳудудларида қор кўчиш хавфи сақланиб туради.

Никоҳ қайд этилгани, никоҳда турмаслиги ёки ажралгани тўғрисидаги маълумотномани онлайн олиш мумкин

Энди мазкур ҳужжатларни Ягона портал орқали олиш имконияти яратилди, дея хабар бермоқда Ягона интерактив давлат хизматлари портали.

Бунда ариза берувчи ЯИДХПда рўйхатдан ўтиб маълумотнома тўлдиради, сўнг белгиланган миқдордаги тўловни амалга оширади. Сўровнома ФҲДЁ органига юборилади.  

ФҲДЁ органи QR-код қўйилган маълумотномани расмийлаштиради ҳамда ЯИДХП орқали юборади.

Агар сўровномада сўралаётган маълумотлар ФҲДЁ органида мавжуд бўлмаса у тегишли равишда Адлия вазирлиги ҳузуридаги Давлат хизматлари агентлигининг ФҲДЁ архивларига юборилади ва бу хақда аризачи хабардор қилинади.

Хизматни кўрсатиш учун керак бўладиган ҳужжатлар — паспорт ёки шахсини тасдиқловчи бошқа ҳужжат нусхаси, ариза берувчи ишончнома асосида ҳаракат қилаётганда — ишончнома нусхаси, ариза берувчининг марҳумга қариндошлигини тасдиқловчи ҳужжатлари, ариза берувчи васиятномага асосан меросхўр бўлганда — васиятнома ва марҳумнинг ўлими ҳақида гувоҳнома нусхалари, ариза берувчи қонуний вакил бўлса — уни тасдиқловчи ҳужжат нусхаси илова қилинади.

Хизмат 3 иш кунида кўрсатилади. Тўлов миқдори — Ягона портал орқали мурожаат килинганида БҲМнинг 4,5 фоизи миқдорида.

“Ипподром”да қуриладиган дўконни аукционда ютиб беришни ваъда қилган бозор ходимлари ушланди

0

“Чилонзор буюм савдо комплекси” АЖда қурилиши режалаштирилган дўконни 25 000 АҚШ долларига аукцион орқали олиб бермоқчи бўлган бозор масъули ва унинг шериги ушланди. Бу ҳақда UzNews.uz’га Бош рокуратура Матбуот хизмати маълум қилди.

Қайд этилишича, Бош прокуратура ҳузуридаги Департамент ҳамда ДХХнинг Тошкент шаҳар бошқармалари томонидан ўтказилган тезкор тадбирда, “Чилонзор буюм савдо комплекси” АЖда дўкон сотувчиси бўлиб ишловчи Н.Р. фуқаро Д.Б.нинг ишончига кириб, мазкур савдо комплекси ҳудудида қурилиши режалаштирилган савдо дўконларидан бирини аукцион савдоси орқали ютиб олиб бериш масаласини бозор муҳандиси А.С. орқали ҳал қилиб бериши эвазига 25 000 АҚШ доллари сўраб, шундан 9 400 АҚШ долларини муқаддам қўлга киритиб, қолган 15 600 АҚШ долларини олган вақтида ашёвий далил билан ушланган.

Шундан сўнг, Н.Р. нинг кўрсатувларига асосан тадбир давом эттирилганда, “Чилонзор буюм савдо комплекси” АЖ капитал қурилиш бўлими бош муҳандиси А.С. дўкон сотувчисидан 10 000 АҚШ долларини олган пайтида ашёвий далил билан ушланган. 

Мазкур ҳолат юзасидан А.С. ва Н.Р.ларга нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.

Президент маслаҳатчисига янги ўринбосар тайинланди

Дониёр Кадиров президентнинг ҳуқуқни муҳофаза қилувчи ва назорат органлари фаолиятини мувофиқлаштириш масалалари бўйича маслаҳатчиси ўринбосари лавозимига тайинланди. Бу ҳақда президент Матбуот хизмати хабар берди.  

Дониёр Кадиров бошқа ишга ўтиши муносабати билан ишдан олинган Улуғбек Ташходжаев ўрнини эгаллади.  

У бунга қадар ички ишлар вазирининг транспорт ва туризм объектларида хавфсизликни таъминлаш бўйича ўринбосари лавозимида ишлаб келаётганди.

Ўзбекистон айрим давлатларга қўйилган чекловларни яна узайтирди

Бошқа мамлакатлардан коронавируснинг янги штаммларини кириб келишини олдини олиш борасида Буюк Британия, Италия, Германия, Дания, Австрия, Австралия, Нидерландия ва ЖАР давлатлари билан халқаро авиарейсларга (кириш, чиқиш ва транзит рейслар орқали Ўзбекистонга кириш) нисбатан чекловлар жорий йил 1 мартига қадар узайтирилди.  

Аввалроқ, Республика махсус комиссияси томонидан ушбу давлатларга нисбатан дастлаб 2021 йил 10 январгача, кейин 1 февралга қадар чеклов киритилганди.

Шунингдек, қоидага кўра:

—  юқорида номлари саналган давлатларда сўнгги 14 кун давомида бўлган шахслар юқоридаги чеклов амал қилган давр мобайнида Ўзбекистонга киритилмайди;

—  сўнгги 14 кун давомида ушбу давлатларда бўлган ҳолда учинчи давлатлар орқали келаётган Ўзбекистон фуқаролари ва фуқаролиги бўлмаган шахслар 14 кун давомида вақтинчалик карантинда сақлаш мажмуаси ёки тегишли меҳмонхонада карантинга олинади.

Асакада йилига қўшимча 60 минг дона автомобиль ишлаб чиқаришга имкон берувчи янги цех қурилди

Асака шаҳридаги UzAuto Motors заводида янги замонавий пайвандлаш цехи фойдаланишга топширилди. Бу ҳақда “Ўзавтосаноат” АЖ Матбуот хизмати хабар берди.  

Маълум қилинишича, ушбу юқори технологик иншоотни қуриш хорижий экспертлар жалб қилинмасдан илк марта маҳаллий мутахассислар томонидан амалга оширилган ва бу қарийб 1 млн доллар иқтисод қилинишига имкон берган.

Умумий майдони 7 628 м. кв. бўлган пайвандлаш цехи Асака шаҳридаги автомобиль заводи ҳудуди рекорд даражада қисқа муддатда – 23 кун ичида ташкил этилди. 

Янги цехнинг ишлаб чиқариш қувватти 14 JPH ташкил этиб, йилига қўшимча 60 минг дона автомобиль ишлаб чиқаришга имкон беради.

Аввалроқ, UzAuto Асака заводи фаолиятини вақтинча тўхтатилгани ҳақида хабар бергандик. Компания бу янги сифат стандартларини жорий қилиш боғлиқлигини таъкидлаганди.

Сирдарёда 20 минг “АҚШ доллари” ёқиб юборилди

Жиноят ишлари бўйича Сирдарё вилояти судининг тегишли ҳукми билан фуқаролар Х. Абдуллаев ва Б. Давлатовлар (исм-фамиялиялари ўзгартирилган)га тегишли бўлган қалбаки катта миқдордаги АҚШ доллари тегишли тартибда йўқ қилинди. Бу ҳақда Сирдарё вилоят судининг жиноят ишлари бўйича судьяси Бахтиёр Мамадаминов маълум қилди.

Аниқланишича, Х. Абдуллаев 2020 йил 1 октябрь куни ўзининг жиноий шериги Б. Давлатов билан Ж. Юлдашевга ўзларининг жиноий ҳаракатларини айтмасдан, унинг бошқарувидаги “Нексия” русумли автомашинасида Фарғона шаҳрига боришади. 

Улар у ерда дастлабки терговда шахсини аниқлашнинг имкони бўлмаган “Жафар” исмли одамдан $8 минг эвазига қалбаки 200 дона 100 АҚШ долларлик купюрадаги жами $20 минг миқдоридаги пулларни сотиб олади ва ушбу қалбаки пулларни “Нексия”нинг орқа салони том қисмига яшириб қўяди. 

Улар Бекобод шаҳридан Сирдарё вилояти Ширин шаҳри йўналиши бўйича ҳаракатланиб келишаётган вақтда ҳуқуқни муҳофаза қилувчи идоралари ходимлари томонидан фош этилган.

Суд Х. Абдуллаев ва Б. Давлатовларни ЖКнинг 25, 176-моддаси 3-қисми “а” банди билан айбдор деб топиб, уларнинг ҳар бирига 4 йил 3 ой озодликдан маҳрум қилиш жазосини тайинлади.

Ўзбекистонда 1 февралдан нималар ўзгаради?

Ўзбекистонда 1 февралдан қуйидаги ўзгаришлар кучга киради.

Бюджет муассасалари ва ташкилотлари ходимларининг иш ҳақи ҳамда стипендиялар миқдори 1,1 баробарга оширилди;  

Қуйидагиларнинг янги миқдорлари белгиланади:

– Базавий ҳисоблаш миқдори – ойига 245 000 сўм;

– Меҳнатга ҳақ тўлашнинг энг кам миқдори – ойига 747 300 сўм;

14  ёшгача болалари бўлган оилаларга нафақа:

–  1 нафар бола билан – 144 100 сўм;

–  2 нафар бола билан – 238 700 сўм;

–  3 нафар бола билан – 334 400 сўм.

Тошкент шаҳрида қоғозли ойлик йўл чипталари сотуви тўхтатилади. Ушбу санадан имтиёзли электрон ойлик йўл чипталари фаоллаштирилади.  

Фарзанд туғилганликни қайд этиш соддалаштирилади. Яъни бу билан боғлиқ комплекс давлат хизматларини кўрсатиш бошланади: электрон тиббий маълумотномани шакллантиришдан бошлаб бир марталик нафақа пулини тўлашга қадар.

Қуйидаги товарлар учун  янги солиқ ставкалари амал қила бошлайди:  

— тамаки маҳсулотларининг айрим турлари;

— алкоголли маҳсулотлар;

— нефть маҳсулотларининг айрим турлари.

Божхоначилар Тошкентда қарийб $1,6 миллионлик қимматбаҳо тошлар ва қадимий тилла тангаларни мусодара қилди

0

Қимматбаҳо тошлар ва қадимий тилла тангаларни Ўзбекистон ҳудудига ноқонуний равишда олиб кириш ва сотиш фаолияти билан шуғулланиб келаётган жиноий гуруҳ фош этилди. Бу ҳақда Давлат божхона қўмитаси Матбуот хизмати хабар берди.  

Ўтказилган тезкор тадбирда аввалдан кузатувга олинган 5 нафар фуқаро Чилонзор туманидаги хонадонлардан бирида муқаддам Афғонистондан олиб келинган 2 кг 531 гр оғирликдаги “зумрад” қимматбаҳо тошларини $500 мингга, шунингдек, 8 гр оғирликдаги милодий III асрга мансуб, Кушон давлатида зарб қилинган 1 дона қадимий тилла тангани $10 мингга сотишаётган вақтида тўхтатиб қолинди.

Шунингдек, ушбу шахслардан бирининг ҳамёнида 3 дона “олмос” тошлари борлиги ҳам аниқланди.

Ҳисоб-китобларга кўра мазкур ҳолатда олиб қўйилган қимматбаҳо тошлар ва қадимий тилла танганинг умумий қиймати жами 16 млрд 818 млн сўмни ташкил қилди.

Сирдарёда ярашиш учун бориб хотинини пичоқлаб қочган эркакка нисбатан жиноят иши қўзғатилди – Бош прокуратура

0

Бош прокуратуранинг маълум қилишича, жорий йил 24 январь куни соат соат 16:30ларда Сайхунобод туман ИИБга туман тиббиёт бирлашмаси томонидан тезкор хабар келиб тушади. Унга кўра, 1988 йилда Сайхунобод туманида туғилган фуқаро, 2 нафар фарзанднинг онаси Ш.Р., Сайхунобод тумани “Шодлик” маҳалласида яшовчи отаси Н.С.нинг хонадонида истиқомат қилаётган вақтида 1987 йилда Гулистон шаҳрида туғилган турмуш ўртоғи Н.Э. ярашиш учун келиб, Ш.Р. билан алоҳида хонага ярашиш учун чиқиб гаплашаётган вақтида ўзаро жанжаллашиб қолишади.

Оилавий келишмовчилик натижасида Н.Э. ўзи билан олиб келган ошхона пичоғи билан Ш.Р. танасининг турли жойларига уч маротаба қасддан уради ва ҳодиса жойидан қочиб кетади.

Ш.Р. “ўнг қовурға ости соҳаси, орқа икки курак ораси соҳаси ҳамда юз соҳаси чап чаккаси лўнж қисми жароҳатлари, пост гематомик шок 1-2 даражаси” ташхиси билан РШТЁИМ Сайхунобод тумани тиббиёт бирлашмаси жонлантириш бўлимига ётқизилган.

Мазкур ҳолат бўйича Жиноят кодексининг 25, 97-моддаси (Қасддан одам ўлдиришга суиқасд қилиш) билан жиноят иши қўзғатилган. Гумонланувчи шахс эса айни пайтда процессуал тартибда ушланган. Тергов ҳаракатлари ўтказилмоқда.

Тошкент шаҳар ҳокимига янги ўринбосар тайинланди

Тошкент шаҳар ҳокимининг ўринбосари — Маҳалла ва оилани қўллаб-қувватлаш бошқармаси бошлиғи лавозимига Фурқат Маҳмудхўжаев тайинланди, дея хабар бермоқда пойтахт ҳокимлиги Матбуот хизмати.

У 2020 йил февраль ойидан ҳозирги кунга қадар Тошкент шаҳар ҳокимлиги Матбуот хизмати раҳбари — матбуот котиби, ҳокимнинг ахборот сиёсати масалалари бўйича маслаҳатчиси лавозимида ишлаб келаётганди.

1 апрелдан давлат тасарруфидаги боғчаларда “боғча пули” оширилиши мумкин

Ҳукуматнинг  тегишли қарори лойиҳаси билан 2021 йил учун давлат мактабгача таълим ташкилотларида болалар таъминоти учун ота-оналар тўлови миқдорлари тасдиқланиши мумкин.

Унга кўра, жорий йил 1 апрелдан давлат мактабгача таълим муассасаларида болалар таъминоти учун ота-оналар тўловининг янги – ўртача 15 фоизга оширилган миқдорлари жорий этилмоқда. 

Тарифлар Тошкент шаҳри, вилоятлар марказлари, вилоят бўйсунувидаги шаҳарлар ва бошқа жойдаги МТМ учун табақалаштирилган ҳолда белгиланган. Болалар боғчаси учун энг юқори миқдорлар пойтахтда амал қилади.

Шунингдек, қарор лойиҳасида ота-оналар томонидан ҳар ойда болалар таъминоти учун тўланадиган ҳақ миқдори ўрнатилган тарифнинг 50 фоизи миқдорида белгиланадиган давлат мактабгача таълим муассасалари жойлашган ҳудудлар ҳам белгилаб берилмоқда.

Сардоба тошқинидан сўнг кўп қаватли уйлар қурилишига сарфланган маблағ ҳажми маълум қилинди

Сардоба тошқинидан сўнг техноген офатдан жабрланган 4 790 нафар хонадон эгаларига 186,6 млрд сўм моддий ёрдам маблағлари тўлаб берилган. Бу ҳақда АОКАда Сирдарё вилояти ҳокими ўринбосари Ўлмасжон Мамадаминов иштирокида ўтказилган брифингда маълум қилинди.

Шундан, 4 541 та фуқарога 181,6 млрд сўм (40 млн сўмдан) ва 249 та фуқарога 5,0 млрд сўм (20,0 млн сўмдан) пул маблағлари пластик карталарга ўтказиб берилган.

–  Тошқини оқибатида уй-жойларига жиддий зарар етган фуқаролар учун жами 52,5 га ер майдонлари танланиб, 2 640 та хонадонли 86 та кўп қаватли турар жой қурилди. Мазкур кўп қаватли уйларнинг нархи шартнома бўйича 855,4 млрд сўмни ташкил қилган, — дейди Сирдарё вилояти ҳокими ўринбосари.

Шунингдек, 2 577 та хонадон республика, вилоят ва туманлар ишчи гуруҳлари ҳамда жамоатчилик вакиллари томонидан ўрганилиб, қуръа ташлаш йўли билан эгаларига топширилгани қайд этилди.

Тошкентда юздан ортиқ кўп қаватли бинолар ноқонуний қурилган – Тошкент шаҳри бош архитектори

Нуриддин Сагатовга кўра, шаҳарда якка тартибдаги уй-жой қуриш учун ажратилган ер участкаларида кўп квартирали уй-жойлар қуриш ҳолатлари ортиб бормоқда. Натижада коммуникация тизимларида ортиқча босим юзага келиб, авария ҳолатлари келиб чиқмоқда. 

–  2020 йилда хатлов ўтказилганда 100 дан ортиқ якка тартибдаги уй-жой қуриш учун ажратилган ер участкаларида якка тартибда уй-жой қурмасдан уч ва ундан ортиқ қаватли (кўп квартирали) уй-жойлар қурилгани аниқланган. Бунинг оқибатида, шу уйлар атрофидаги аҳолининг норозилиги, коммунал соҳадаги муаммолар ортиб бормоқда, — дейди архитектор.

Қайд қилинишича, янги таҳрирдаги Шаҳарсозлик кодексида якка тартибдаги уй-жой қуриш учун ажратилган ер участкаларда икки ва ундан ортиқ бўлган кўп квартирали уйларни қуриш тақиқланди.

Подпишитесь на нас

51,905участниковМне нравится
22,962участниковЧитать
6,230участниковПодписаться
×