U17 терма жамоамиз Осиё Чемпионати мусобақасининг чорак финалида Саудия Арабистони ёшларини 0:2 ҳисобида мағлуб этиб ярим финал йўлланмасини, шунингдек шу йилнинг ноябрь ойида 🇮🇩 Индонезияда бўладиган Жаҳон Чемпионатига ҳам йўлланмани қўлга киритишди.
Дунёдаги энг кекса Нобел мукофоти совриндори 100 ёшида вафот этди
Литий-ион батареясини яратишда ҳал қилувчи рол ўйнаган дунёдаги энг кекса Нобел мукофоти совриндори Жон Гуденоф 100 ёшида вафот этди.
Остиндаги Техас университети маълумотларига кўра, у якшанба куни вафот этган ва у ерда муҳандислик профессори бўлиб ишлаган.
«Жоннинг ажойиб олим сифатидаги мероси беқиёс», деди Остиндаги Техас университети президенти Жей Харцелл.
Литюм-ион батареялар бутун дунё бўйлаб миллионлаб электр транспорт воситаларини қувват билан таъминлайди.
Техас университети уни «содиқ давлат хизматчиси, изланаётган мураббий ва ажойиб, аммо камтар ихтирочи» деб таърифлади.
Доктор Гуденоф 2019-йилда 97 ёшида аккумуляторлар, жумладан, литий-ионли аккумуляторларни ишлаб чиқиш бўйича қилган ишлари учун кимё бўйича Нобел мукофотига сазовор бўлган.
27 июнь куни кутилаётган об-ҳаво маълумоти
Республика Гидрометеорология хизмати агентлигининг хабар беришича, 27 июнь куни Тошкентда ҳаво бироз булутли бўлади, вақти-вақти билан ўзгариб туради, ёғингарчилик бўлмайди. Шарқдан секундига 3-8 метр тезликда шамол эсади. Кечаси 18-20 даража илиқ, кундузи 34-36 даража иссиқ бўлади.
Бугунги кунда қишлоқ хўжалиги соҳасида об-ҳавонинг кескин ўзгариши, сув танқислиги, ер шўрланиши каби хатарлар ортиб бормоқда. Бу эса қишлоқ хўжалигида фаолият олиб бораётган тадбиркорлар ҳамда жисмоний шахсларнинг катта муаммоларидан бирига айланмоқда
Шуни инобатга олиб, қишлоқ хўжалигида давлат томонидан қўллаб-қувватлаш кўламини кенгайтириш ва суғурталашнинг янги механизмларини амалга ошириш тарафдоримиз.
Бу борада қишлоқ хўжалигида суғурталаш тизимининг ҳуқуқий асосларини такомиллаштириш, жумладан «Қишлоқ хўжалиги таваккалчиликларини суғурталаш тўғрисида»ги қонунини қабул қилишни таклиф қиламиз, деб таъкидлади Робахон Махмудова Гулистон шаҳар Ёшлар марказида бўлиб ўтаётган учрашув давомида.
Президентликка номзод Абдушукур Хамзаевнинг сайловчилар билан навбатдаги учрашуви Тошкент вилоятида бўлди
Ўзбекистон Экологик партиясидан президентликка номзод Абдушукур Хамзаев сайловчилар билан учрашувини Тошкент вилоятида давом эттирди. Олмалиқ шаҳридаги маданият саройида бўлиб ўтган учрашувда Абдушукур Хамзаев сайловчиларни ўз сайловолди дастуридаги муҳим йўналишлар билан таништириб ўтди.
Номзод ўз маърузасида атроф-муҳитни муҳофаза қилиш,
табиий ресурслардан оқилона фойдаланиш, аҳоли учун қулай атроф-муҳит шароитларини яратиш масалаларига тўхталиб ўтди.
Шу ўринда Тошкент вилоятининг қатор ҳудудларида канализация ва сув тозалагич иншоотлари ва чиқиндилар билан боғлиқ кўплаб муаммолар мавжудлиги, бу эса табиийки, вилоят аҳолисига турли ноқулайликлар келтираётгани Экологик партия томонидан эса шу каби масалалар ҳисобга олиниб, аҳолини тоза ичимлик сув билан таъминлаш, оқова сув тармоқларини ривожлантириш, атмосферага ташланмаларни камайтириш, чиқиндиларни қайта ишлашни рағбатлантиришга қаратилган давлат сиёсатини юритиш таклифи илгари сурилаётгани айтилди.
Шунингдек, сув ресурсларидан оқилона фойдаланишга қаратилган ташкилий-ҳуқуқий ислоҳотлар олиб бориш, бу борада:
– аҳолининг, айниқса, қишлоқ жойларда яшаётган фуқароларни тоза ичимлик сув таъминотини яхшилаш;
– қайта тикланувчи энергия манбаларидан фойдаланган ҳолда сувни чучуклаштирувчи локал қурилмалар барпо этиш тизимини жорий этиш чора-тадбирларини амалга ошириш;
– аҳоли яшаш пунктларида бадбўй ҳид чиқараётган, локал оқова сув тозалаш иншоотлари бўлмаган ҳар қандай корхона фаолиятини белгиланган талабларга жавоб берадиган технологиялар жорий этилмагунча тўхтатиш таклиф этилаётгани таъкидланди.
Бундан ташқари, оқова сувларни тозалаш иншоотларининг самарадорлиги паст бўлган Ангрен, Гулистон, Самарқанд, Жиззах, Урганч, Нукус, Андижон, Чирчиқ ва Тошкент шаҳарларидаги оқова сувларни тозалаш иншоотларини модернизация қилиш ҳамда янгиларини қуриш чоралари кўрилиши маълум қилинди.
Шунингдек, давлат экологик сиёсатининг устувор йўналишларини белгилашга қаратилган “Барқарор экологик ривожланиш Стратегияси“ни қабул қилиш, қайта тикланадиган энергия манбаларини ривожлантириш истиқболларини белгилашга қаратилган “Яшил энергетика Стратегияси”ни қабул қилиш, сувдан самарали фойдаланиш ва унинг маҳсулдорлигини оширишга қаратилган Миллий дастурни ишлаб чиқиш, қатор халқаро ҳужжатларга аъзо бўлиш каби таклифларга алоҳида тўхталиб ўтилди.
Очиқ мулоқот тарзида ўтган мазкур учрашувда иштирокчилар номзоднинг сайловолди дастурида белгиланган вазифаларни амалга ошириш бўйича ўз таклифларини билдириш билан бирга, атроф-муҳитни муҳофаза қилиш ва бебаҳо табиий бойликларини асраб-авайлашдек муҳим мақсадларга эришишда Ўзбекистон Экологик партиясини қўллаб қувватлашларини маълум қилди.
Ўзбекистон Экологик партияси
Ахборот хизмати
Саудия Арабистони: “54 йил ичида 99 миллион зиёратчини қабул қилдик”
Саудия Арабистони жума куни ўтган йилги Ҳаж мавсумида «54 йилдан бери 99 миллион зиёратчи»ни қабул қилганини эълон қилди.
Бу ҳақда Саудия Арабистони матбуот агентлиги Статистика бош бошқармаси расмий маълумотларига таяниб хабар берган. Бу рақамлар келаси душанбадан бошлаб ҳижрий 1444 йил ҳаж мавсумида янада ортиши кутилмоқда.
“Подшоҳлик маълумотларига кўра, Статистика Бош бошқармаси рақамларни қайд эта бошлаган ҳижрий 1390 йилдан то ҳижрий 1443 йилгача (2022 йил) подшоҳликка етиб келган зиёратчиларнинг умумий сони 99 миллион зиёратчилардан ошди”.
Қироллик жорий мавсумда икки миллиондан ортиқ зиёратчилар келишини кутмоқда.
19 июнь куни Ҳаж ва Умра вазири Тавфиқ Рабия телевидениеда “160 та давлатдан келувчи икки миллиондан ортиқ зиёратчиларни мамнуният билан қабул қиламиз”, деган.
9 январь куни Рабия зиёратчилар сони ва ёши 2020 йилда коронавирусдан олдинги даражага қайтишини эълон қилган эди.
Ўтган мавсумда зиёратчилар сони 899 353 нафарга етган, уларнинг 779 919 нафари хорижликлар бўлган эди.
2021 йилги Ҳаж мавсумида пандемия авж олгани сабабли 60 000 саудиялик қаттиқ тиббий назорат остида ҳаж амалларини бажарди.
Бироқ, 2019 йилда дунё бўйлаб 2,5 миллионга яқин зиёратчилар келган бўлса, 2020 йилда фақат саудияликлар адо этган ҳаж амалларида атиги 10 минг киши бўлган эди.
Сайловда кимлар иштирок эта олмайди?
Республика бўйича 2023 йилнинг ўтган 5 ойи давомида (январь–май) темир йўл транспортида 4,1 млн нафар йўловчи ташилди. Бу ҳақда Транспорт вазирлиги маълумотларига хабар бермоқда.
Қайд этилишича, ўтган йилнинг мос даврига нисбатан ўсиш суръати 113,5 фоизни ташкил этди. Мамлакатда 2022 йилнинг январь-май ойларида темир йўл орқали 3,6 млн нафар йўловчи ташилган.
Бундан ташқари, республика бўйича январь-май ойлари давомида темир йўл транспорти орқали 45,1 млн тонна юк ташилган. Юк ташувлари ҳажми бўйича ўсиш суръати ўтган йил билан солиштирилганда 109,6 фоизни ташкил этди.
Сайловда кимлар иштирок эта олмайди?
Ўзбекистон Республикаси Президентининг “Муддатидан илгари Ўзбекистон Республикаси Президенти сайловини тайинлаш тўғрисида”ги Фармонига мувофиқ, Конституциянинг 110 ва 128-моддалари ҳамда Сайлов кодексининг 66-моддасига асосан 2023 йил 9 июль кунига муддатидан илгари Ўзбекистон Республикаси Президенти сайлови ўтказилади.
Ўзбекистон Республикаси Конституциясининг 128-моддасига асосан 18 ёшга тўлган Ўзбекистон Республикаси фуқаролари сайлаш ҳуқуқига эга.
Сайлов кодексининг 5-моддасида қуйидаги фуқаролар сайловда иштирок эта олмасликлари белгилаб ўтилган:
– суд томонидан муомалага лаёқатсиз деб топилган фуқаролар,
–оғир ва ўта оғир жиноятлар содир этганлик учун суднинг ҳукмига кўра озодликдан маҳрум этиш жойларида сақланаётган шахслар.
Сайлов куни 18 ёшга тўлган, озодликдан маҳрум қилинган, юқори ижтимоий хавф гуруҳига кирмаган ва унча оғир жиноятлар учун қамоққа олиш жойларида сақланаётган шахслар сайлаш ҳуқуқидан фойдалана олади.
Озодликдан маҳрум қилиш жойларида тузилган сайлов участкаларида сайлов ҳуқуқига эга бўлган маҳкумлар белгиланган тартибда сайловчиларнинг ягона электрон рўйхатига киритилади.
Озодликдан маҳрум қилиш жойларида тузиладиган участка сайлов комиссиялари сайловчиларни сайлов тўғрисидаги қонун ҳужжатлари, сайловга тайёргарлик кўриш ва ўтказиш тўғрисида хабардор қилиши шарт.
Манба: UzA
Жазирама иссиқ тўлқинлар Гонконгнинг Осиё қисмларини қамраб олгани сабабли, одамлар “омон қолиш” чегарасига яқинлашмоқда
Дам олиш кунлари Ҳиндистон шимолини қоплаган кучли ёмғир минтақани вайрон қилган жазирама иссиқ тўлқиндан бироз дам олиш имконини берди. Aммо симоб даражаси бошқа ҳудудларда ҳам юқорилигича қолиши кутилар экан, жазирама иссиқ дунёнинг энг кўп аҳолиси бўлган мамлакатда миллионлаб одамлар иқлим инқирози таъсирига энг заиф бўлганлар қаторида эканликларини кўрсатди.
Ўтган ҳафта баъзи ҳудудларда ҳарорат 47 даража Селсий (116 Фаренгейт) га кўтарилиб, юзлаб одамлар иссиқлик билан боғлиқ касалликларга дучор бўлганидан кейин Уттар-Прадешда ҳафта охири ёмғир 220 миллион шимолий штат учун ёқимли ўзгариш бўлди.
Якшанба куни Лакнауда ҳарорат кескин тушиб кетди, чунки пойтахт бошқа шаҳарлар қатори бу йилги муссон мавсумида биринчи ёмғирни бошдан кечирди. Маҳаллий телевиденийеда кўрсатилган видеода одамлар ёмғирга ботиб қолгани ва сув босган йўлларда ҳаракатланаётган йўловчилар акс этган.
Марказий сайлов комиссияси ҳузуридаги «Call-center» ишга туширилди
Ўзбекистон Республикаси Президенти сайлови кампаниясида жисмоний ва юридик шахсларнинг мурожаатларини тезкор ва самарали кўриб чиқиш, фуқароларга реал вақт режимида ҳуқуқий тушунтириш ва маслаҳатлар бериш мақсадида Марказий сайлов комиссияси ҳузурида «Call-center» ишга туширилди. «Call-center» рақами: 1200
«Call-center» орқали Ўзбекистон Республикаси сайловига оид ўзингизни қизиқтирган барча саволларга жавоб олишингиз ҳамда мурожаатларингизни йўллашингиз мумкин. Деб ҳабар бермоқда Darakchi.uz нашри.
«Барселона» бугун шов-шувли трансферни эълон қилади
«Барселона» бугун германиялик ярим ҳимоячи Илкай Гюндоган билан шартнома имзолаганини эълон қилмоқчи.
Mundo Deportivo нашри хабарига кўра, каталонияликлар 26 июнь куни «Манчестер Сити» сардори трансфери ҳақида эълон қилмоқчи. Айтиш керакки, “Барса” 32 ёшли футболчи билан ўтган чоршанба куни шартнома имзоланган. Чунки айнан шу куни «Барселона» директори Матеу Алеманй ҳужжатларни имзолаш учун Мюнхенга учиб кетган.
Манбага кўра, томонлар ўртасидаги шартнома “2+1” кўринишида имзоланган. Келишувни узайтириш вариантини фаоллашиши Гюндоганнинг “Барса”даги иккинчи мавсумида ўйнаган ўйинлари сонига боғлиқ бўлади.
Марказий ярим ҳимоячи ўтган мавсумда “Манчестер Сити” сафида 51 та ўйинда майдонга тушиб, 11 та гол урди ва 6 та голли узатмани амалга оширди.
Манба: Sport.uz
Ўзбекистон миллий терма жамоаси АҚШга қарши ўйин ўтказиши маълум бўлди
Ўзбекистон миллий терма жамоаси сентябрь ойидаги ФИФА кунларида АҚШ терма жамоасига қарши ўртоқлик учрашувини ўтказади. Ушбу маълумотни АҚШ матбуоти тасдиқлади.
Ўйин Қўшма Штатларда ўтказилади. Америкалар 9 сентябрь куни Ўзбекистон, 12 сентябрь куни эса Ўмонга қарши ўртоқлик ўйинларида майдонга тушишади.
АҚШ 14 ва 17 октябрь куни Германия ва Ганага қарши ўртоқлик ўйинлари ўтказишни режалаштириб қўйган.
Манба: Aniq.uz
Жорий йилнинг 1 июлидан Тошкент шаҳрида Давлат тиббий суғурта тизими жорий этилади
Жорий йилнинг 1 июлидан Тошкент шаҳрида Давлат тиббий суғурта тизими жорий этилади. Тиббий суғурта ўзи нима ва унинг аҳолига қандай фойдаси бор?
Давлат ҳисобидан кафолатланган тиббий хизматни ривожлантириш мақсадида Ўзбекистонда 2021 йилдан бошлаб, тиббиётнинг бирламчи бўғинида аҳолини 66 турдаги, 2022 йилда эса 120 турдаги дори воситалари ва тиббий буюмлар билан бепул таъминлаш йўлга қўйилди.
Давлат тиббий суғуртаси механизмлари жорий этилган ҳудудларда сурункали касалликлар бўйича “Д” назоратидаги беморлар электрон рецепт асосида дорихонадан бепул бериладиган 11 турдаги дори воситалари билан амбулатор даволаш “реимбурсация” тизими жорий этилди. Бунда, асосан, юқори қон босими, юрак хуружи, қандли диабет, нафас йўллари сурункали касалликлари бўйича даволанишда фуқаролар узоққа бормасдан дориларини поликлиниканинг ўзида ёки унга яқин жойлашган дорихонадан олишмоқда.
Кафолатланган тиббий ёрдам нима дегани?
Буларнинг барчаси фуқароларимизнинг тиббий ёрдамнинг кафолатланган ҳажмини давлат маблағлари ҳисобидан бепул олишга бўлган Конституциявий ҳуқуқларини таъминлаш имконини бермоқда. Чунки, аҳолининг айрим қатламлари пулли асосда ёки хусусий шифохоналар хизматидан фойдаланишга имконияти етмаслиги мумкин. Бундай, вазиятда давлат ўз фуқаросини кафолатланган тиббий хизмат билан таъминлаш мажбуриятини ўз зиммасига олгани, яъни, барчага кафолатланган пакет доирасида, суғурта жамғармаси маблағлари ҳисобидан бепул тиббий хизмат кўрсатилишини таъминлаши, айниқса, моддий шароити яхши бўлмаган фуқароларнинг соғлиғини сақлашга давлат ғамхўрлик қилишдан тўхтамаслигини англатади.
Бунинг учун, албатта мамлакатимизда барча чоралар кўрилмоқда. Масалан, соҳага ажратилаётган маблағлар сезиларли даражада ошди. Биргина, 2022 йилнинг ўзида тиббиёт соҳасига бюджетдан 29 трлн сўм йўналтирилган бўлиб, бу маблағ 2016 йилга нисбатан 5 баробар кўпдир. Ўтган беш йилда шифохоналар ва тез тиббий ёрдам пунктларини дори-дармон, тиббий буюмлар билан таъминлашга ажратилаётган маблағлар 12 баробар кўпайтирилди.
26-июн куни Uzbekistan Airways Тошкент – Грозний – Тошкент йўналиши бўйича илк парвозни амалга оширади!
Тошкент ва Грозний ўртасидаги мунтазам авиақатновлар ҳафтасига икки марта: душанба/сешанба ва пайшанба/жума кунлари амалга оширилади!
Тошкентдан учиб кетиш: 21:30 (Тошкент вақти)
Грознийга йетиб келиш: 22:40 (Грозний вақти)
Грознийдан учиб кетиш: 00:10 (Грозний вақти, кейинги кунга ўтувчи рейс)
Тошкентга етиб келиш: 04:45 (Тошкент вақти, кейинги кунга ўтувчи рейс)
Қурбон ҳайити муносабати билан кетма-кет 5 кун дам олиш куни бўлади
Президент фармонига биноан 29 июнь (пайшанба) куни ҳам иш ҳафтасидан қатъи назар барча учун қўшимча дам олиш куни сифатида эълон қилинди.
Демак, қуйидаги кунлар дам олиш куни бўлади:
➖28 июнь, чоршанба (Қурбон ҳайити);
➖ 29 июнь, пайшанба (барча учун қўшимча дам олиш куни);
➖30 июнь, жума (барча учун қўшимча дам олиш куни);
➖1 июль, шанба (6 кунликлар учун қўшимча дам олиш куни);
➖2 июль, якшанба.
Олимларнинг аниқлашича — кам иш ҳақи эрта ўлимга олиб келади
Америкалик олимлар доимий равишда паст даромадлар эрта ўлим хавфини 135% га оширишини аниқладилар.
Тадқиқот муаллифларининг фикрича, одамларнинг даромадларини ошириш орқали аҳолининг умр кўриш давомийлигини ошириш мумкин.
26-июн — Халқаро гиёҳвандликка қарши кураш куни!
БМТ Бош Ассамблеясининг 1987 йил 7 декабрда қабул қилган резолюциясига биноан ҳар йили 26 июнь Халқаро гиёҳвандликка қарши кураш куни (International Day against Drug Abuse and Illicit Trafficking) сифатида нишонланади.
Таҳлилчиларнинг фикрича, гиёҳванд моддаларнинг кенг тарқалиши бир қатор ижтимоий муаммоларга сабаб бўлади. Жумладан, демографик фожеаларни келтириб чиқаради, ижтимоий-иқтисодий ҳаётда жиноятчилик кўзга ташланади. БМТнинг жиноятчилик ва гиёҳванд моддалар устидан назорат бошқармаси маълумотларига кўра, гиёҳвандликка ружу қўйганлар сўнгги йилларда дунёда 300 миллион кишидан ошиб кетди. Энг кўп истеъмол қилинадигани наша экани айтилади.
Ушбу сана муносабати билан Сурхондарё вилояти божхона бошқармаси томонидан Термиз шаҳридаги “Матбуот уйи” биносида вилоят ахборот ва оммавий комуникациялар бошқармаси билан ҳамкорликда, карантин қоидаларига риоя қилинган ҳолда матбуот анжумани ўтказилди. Унда божхона бошқармаси ходимлари, жамоатчилик ҳамда оммавий ахборот воситалари вакиллари иштирок этишди. Тадбирда соҳа вакиллари томонидан божхона чегараларида аниқланган гиёҳвандлик воситалари ва мамлакатимиз ички ҳудудида бошқа ҳуқуқ тартибот органлари билан ҳамкорликда наркотик воситаларнинг ноқонуний савдосига қарши олиб борилаётган кураш ҳақида маълумот берилди.
Хусусан, 2020 йилнинг 25 июн кунига қадар Сурхондарё вилояти божхона бошқармаси ходимлари томонидан ҳамда бошқа ҳуқуқ тартибот органлари билан ҳамкорликда гиёҳвандлик воситалари ва психотроп моддаларнинг божхона чегаралари орқали ноқонуний олиб ўтилиши ва ички ҳудудда айланувини олдини олиш бўйича 36 та ҳуқуқбузарлик ҳолати аниқланган. Ҳолатлар натижасида 2 кг. 889,66 гр. гиёҳвандлик воситалари, 47 дона гиёҳвандлик таблеткалари, 306 туп гиёҳвандлик ўсимлиги ва 238 006 дона психотроп таблеткаларнинг ноқонуний айланувига чек қўйилган.
Маълумот учун: 2019 йилда Сурхондарё вилояти божхона бошқармаси ходимлари томонидан ҳамда бошқа ҳуқуқ тартибот органлари билан ҳамкорликда Гиёҳвандлик воситалари ва психотроп моддаларнинг божхона чегаралари орқали олиб ўтилиши ва ички худудда ноқонуний айланувини олдини олиш бўйича 76 та ҳуқуқбузарлик ҳолати аниқланган.
Талабгорлари кўпайган давлат рақам белгилари энди аукционга қўйилади
«015», «021», «075» ва «715» каби талабгорлари кўпайган давлат рақам белгилари энди аукционга қўйилади. Бу ҳақда Ўзбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати хабар берди.
Харидоргир давлат рақам белгисини ҳудудий Рўйхатдан ўтказиш ва имтиҳон олиш бўлинмасига 12 ой муддатга сақлашга қўйилгандан кейин БҲМнинг бир баравари миқдорида тўлов қилиш орқали яна бир маротаба 12 ойдан кўп бўлмаган муддатга сақлаш учун қўйиш мумкинлиги белгиланди.
Харидоргир давлат рақам белгиларининг айрим тоифалари бўйича тўлов ставкаларига ўзгартириш киритилди.
Бугун 26.06.2023 кутилаётган об-хаво маълумоти
Тошкент шаҳрида бугун ҳаво бироз булутли бўлади, вақти-вақти билан ўзгариб туради, ёғингарчилик кутилмайди. Ғарбий шамол йўналишини ўзгартириб шарқдан 5-10 м/с тезликда эсади. Ҳарорат кечаси 17-19°, кундузи 33-35° бўлади.
Бугундан бошлаб Ўзбекистонда ёзнинг энг иссиқ даври — “чилла” бошланади
Иссиқ мавсум 25 июндан 5 августга қадар давом этади.
Бу даврда нималар қилиш керак?
— Тоза, шакарсиз ичимлик сувидан суткасига камида 1,5 литр ичинг
— ёғли, қовурилган таомлардан тийилинг ва мева-сабзавотлар истеъмол қилинг;
— енгил, танага ёпишмаган, ҳаво ўтказувчан уст-бош кийинг
— ўртача ҳаво ҳароратидаги сувда душ қабул қилинг (муздай бўлмасин)
Асосий эслатма: кундузи соат 10:00 ва 16:00 оралиғида очиқ, қуёш нури тушадиган жойларда юрманг!
