«UzAuto Motors» АЖ томонидан Chevrolet Onix ва Tracker автомобиль моделларини ишлаб чиқариш учун янги бўш иш ўринлари ташкил этилди ва танлов эълон қилинди. Танловда Андижон, Фарғона, Наманган вилоятларидан 8 000 нафардан ортиқ фуқаролар онлайн тарзда аризалар топширишди. Номзодлар 4 босқичда саралаб олинди. Шу куни 1 800 нафардан ортиқ ходим ишга қабул қилинди.
Шунингдек, «Узавтосаноат» АЖ ва «UzAuto Motors» АЖ раҳбарияти ташаббуси билан Асака, Андижон ва Шаҳрихон туманларидаги кам таъминланган, чин етим, ярим етим, боқувчисини йўқотган ёшларни иш билан таъминлаш учун ҳокимиятликларга мурожаат билан чиқилди. Мурожаатга биноан 400 нафардан ортиқ ёшлар рўйхати тақдим этилди. Тузилган ишчи гуруҳ томонидан ёшларнинг яшаш шароити ўрганилди. Ўрганишлар натижасида жами 300 нафардан ортиқ ёшлар ишга тавсия этилди.
UzAuto Motors нафақат автомобиль ишлаб чиқаради балки малакали кадрларни катта жамоада қабул қилиб, уларнинг малакасини ошириб, маҳоратини юксалтириб республикадаги турдош соҳаларга ҳам етказиб беради.
БАТАФСИЛ YOUTUBE’ДА ТОМОША ҚИЛИНГ (https://www.youtube.com/watch?v=M58lw8mUez0 )
