Флорида университети (АҚШ) олимлари бутун дунё бўйлаб 21 та маркадаги ҳожатхона қоғозини синовдан ўтказди ва ҳар бир намунада ПФАС — хавфли парчаланмайдиган кимёвий моддаларни аниқлади. The Guardian нашрининг ёзишича, ҳожатхоналарга ювилган ва оқава сувларни тозалаш иншоотларига юборилган чиқиндилар сувни ифлослантиришнинг муҳим манбаи бўлиши мумкин.
ПФАС атамаси 14 000 га яқин кимёвий моддаларни ўз ичига олади. Улар саноатда кенг қўлланилади, чунки улар маҳсулотни атроф-муҳит таъсирига чидамлироқ қилади. Бироқ, бу бирикмалар табиий равишда парчаланмайди. Тадқиқотлар шуни кўрсатдики, улар организмда тўпланганда саратон, буйрак ва жигар касалликлари, аутоиммун касалликларни ривожланиш хавфини оширади ва ҳомиладорлик даврида ҳомила нуқсонларини келтириб чиқаради.
Олимлар ПФАСни Шимолий Америка, Ғарбий Европа, Африка, Марказий ва Жанубий Америкадаги қоғоз намуналарида аниқладилар. Улар бундай қоғознинг инсон саломатлиги учун хавфли эканлиги ҳақида аниқ далиллар топмадилар, гарчи бу масала кўпроқ тадқиқотга лойиқ бўлса. Аммо ПФАС билан қоғознинг атроф-муҳитга зарари сезиларли бўлиб чиқди.
“Оқава сувларни тозалаш иншоотига етиб боргач, кимёвий моддалар канализация лойига айланиши мумкин, улар охир-оқибат экин майдонларига ўғит сифатида тарқатилади ёки сув йўлларига тўкилади”, деб тушунтирди муаллифлар.
