Сунъий йўлдош маълумотларидан фойдаланган ҳолда, Халқаро энергия агентлиги (ХЭА), ўтган йилги энергетика секторидаги метан эмиссияси ҳукумат ҳисоботларидан 70 фоизга юқори эканлигини аниқлади.
Умуман олганда, 2021 йилда дунёдаги энергетика секторига умумий метан чиқиндиларининг деярли 40 фоизи, 135,2 миллион тоннага тўғри келади. Бу ҳақида 2022 йилги глобал метанни кузатиш ҳисоботида маълумот берилган.
Кўмир соҳасида метан чиқиндилари 43,6 миллион тоннани, нефть соҳасида 42,9 миллион тоннани, газ соҳасида 39,6 миллион тоннани, шунингдек, 9,1 миллион тонна биоэнергиянинг тўлиқ ёқилмаганидан келиб чиққан – (ХЭА) бундай чиқиндилар асосан ёғоч ва бошқа биомассалардан фойдаланиш натижасида юзага келишини айтиб ўтди.
Метан карбонат ангидриддан кейинги асосий иссиқхона газидир. Бу глобал ҳароратнинг ҳозирги ўсишининг тахминан 30 фоизини келтириб чиқаради.
Метан эмиссиясини камайтириш глобал исишни тез фурсатда тўхтатиши мумкин, чунки у атмосферада карбонат ангидридга қараганда тезроқ парчаланади.
