- Advertisement -
Наманган шаҳридаги «Паҳлавон» спорт мажмуасида таэквондо WT бўйича «Uzbekistan Open» анъанавий халқаро турнири ташкил этилди. Мусобақанинг илк кунида, берилган дастурга мувофиқ, катталар ўртасидаги қизғин баҳслар бўлиб ўтди.
Рейтинг очкопарини тақдим этувчи ушбу нуфузли турнирда Ўзбекистон терма жамоаси вакиллари билан бир қаторда Қозоғистон, Қирғизистон, Тожикистон, Мўғулистон, Эрон, БАА, Ҳиндистон ва Россиядан ташриф буюрган спортчилар ҳам ғолиблик учун куч синашдилар. Мусобақа якунида ғолиб ва совриндорлар ташкилотчилар томонидан муносиб тақдирландилар.
