- Advertisement -
Ўзбекистон Мактабгача ва мактаб таълими ҳамда Олий таълим, фан ва инновациялар вазирликлари эмас, балки Таълим ва фан вазирлиги ҳузурида колл-марказ, мурожаатлар билан ишлашнинг қайта алоқа тизими ва Жамоатчилик кенгаши ташкил этилади. Бу чоралар Президентнинг 19 октябрдаги қарорида белгиланган.
Колл-марказ ва қайта алоқа тизими аутсорсинг асосида фаолият юритади. Улар фуқароларнинг таълим соҳасига оид мурожаатларини қабул қилади.
Жамоатчилик кенгаши таркибига ўқувчилар, талабалар, ота-оналар, педагоглар ва иш берувчилар вакиллари киритилади. Ушбу майдон таълим жараёнининг турли иштирокчилари фикрларини инобатга олиш имконини беради.
