Ўзбекистонда сифат талабларига жавоб бермайдиган 22 та дори воситаси аниқланди

2026 йилнинг январь–сентябрь ойларида Ўзбекистонда белгиланган сифат талабларига мос келмайдиган 22 та дори воситаси аниқланди. Бу ҳақда Фармацевтика маҳсулотлари хавфсизлиги маркази хабар берди.

Ҳисобот даврида постмаркетинг назорати доирасида 41 та текширув ўтказилди. Мутахассислар 476 та дори воситаси намунасини харид қилди, улардан 372 турдаги маҳсулот лаборатория синовларидан ўтказилди.