Ҳуқуқни муҳофаза қилувчи органлар ходимлари пойтахтнинг 39 ёшли фуқароси томонидан режалаштирилган буюртма қотилликнинг олдини олди. Бу ҳақда Тошкент шаҳар ИИББ хабар берди.
Тергов маълумотларига кўра, жиноий ниятга оилавий можаро сабаб бўлган. Эркак икки оила билан яшаган, унинг аёлларидан бири иккинчиси ҳақида билиб қолган. Шундан сўнг, гумонланувчининг айтишича, оилада жанжаллар ва ўзаро эътирозлар бошланган.
Бошқа ечим топа олмаган гумонланувчи хотинини ўлдиришни ташкил этишга қарор қилган. У болаларининг онасини ўлдириш учун ижрочига 10 минг доллар таклиф қилган ва усул сифатида бўғишни танлаган. Аввалдан 2 минг доллар аванс сифатида берилган.
Бироқ ҳуқуқни муҳофаза қилувчи органлар тезкор маълумот олиб, вазиятни назоратга олган. Эҳтимолий ижрочи жиноят содир этилишидан олдин ушланган ва тергов билан ҳамкорлик қилишга рози бўлган.
20 апрель куни махсус операциянинг якуний босқичи ўтказилди: буюртмачига гўё аёлнинг ўлганини тасдиқловчи саҳналаштирилган суратлар кўрсатилди. Қолган пулни топширганидан сўнг у жиноят устида қўлга олинди.
Мазкур ҳолат юзасидан «Қасддан одам ўлдириш» моддаси бўйича жиноят иши қўзғатилган. Тергов ҳаракатлари давом этмоқда. Ҳуқуқни муҳофаза қилувчи органларда таъкидланишича, жиноятга суиқасд ҳам уни амалга ошириш каби қаттиқ жазоланади.
