Яқин Шарқдаги мавжуд вазият шароитида йўл-транспорт ҳодисаси оқибатида ҳалок бўлган 11 ёшли Ўзбекистон фуқароси Қатарда дафн этилди.
Маълумотларга кўра, Тошкент шаҳрида туғилган бола Қатарда бўлиб турган вақтида транспорт воситаси бошқарувини йўқотиш оқибатида содир бўлган ЙТҲда оғир бош жароҳати олган. Шифокорлар томонидан кўрсатилган тиббий ёрдамга қарамасдан, унинг ҳаётини сақлаб қолишнинг иложи бўлмаган.
Ўзбекистоннинг Қатардаги элчихонаси дипломатлари тегишли давлат идоралари билан ҳамкорликда барча ташкилий ва ҳуқуқий масалаларни тезкор тарзда ҳал қилди.
Марҳумнинг оиласига ҳар томонлама амалий ёрдам кўрсатилди. Дафн маросими билан боғлиқ масалалар яқинлари билан яқин ҳамкорликда ҳал этилди.
Ҳудуддаги вазият, шунингдек амал қилаётган транспорт ва логистика чекловлари инобатга олиниб, оила розилиги асосида бола Қатарда миллий ва диний анъаналарга мувофиқ равишда ерга қўйилди.
