Америкага тегишли ёқилғи компанияси Gulf Oil Ўзбекистон бозорига кенг кўламли кириш режаларини эълон қилди. Инвестиция лойиҳаси автозаправка станциялари (АЁҚШ) тармоғини яратиш ва мамлакатнинг авиация секторини ривожлантиришни ўз ичига олади.
Компаниянинг бу нияти ҳақида 18 феврал куни Вашингтонда Президент Шавкат Мирзиёевнинг америкалик бизнес вакиллари билан учрашуви чоғида маълум қилинди.
Инвестор баёнотига кўра, чакана тармоқни ривожлантиришга қаратилган сармоя ҳажми кеми билан 150 миллион долларни ташкил этади. Gulf Oil икки йил ичида Ўзбекистонда 100 тага яқин АЁҚШ қуришни режалаштирмоқда.
Янги объектлар Ғарб сифат стандартларига мос бўлади ва ички бозорни юқори сифатли ёқилғи билан таъминлашга йўналтирилади.
Лойиҳага ҳудудий раҳбарлар ҳам қизиқиш билдирган: вилоят ҳокимлари компанияга келажакдаги АЁҚШлар учун тахминан 200 та эҳтимолий ер участкасини таклиф қилган.
Чакана тармоқдан ташқари, Gulf компанияси авиация соҳасига қўшимча 50 миллион доллар атрофида инвестиция киритиш имкониятини кўриб чиқмоқда. Сармоя йўналишлари ҳозирча ошкор этилмаган, бироқ компания Ўзбекистон бозорида узоқ муддатли фаолият юритиш нияти борлигини маълум қилган.
