“Янги Тошкент” ҳудудида йирик ёнғин содир бўлди

11 сентябрь куни соат 12:34да Тошкент вилояти Фавқулодда вазиятлар бошқармаси Тезкор бошқарув марказига Юқоричирчиқ тумани, «Истиқлол» маҳалласида жойлашган фермер хўжалигига қарашли ер майдонида қуруқ ўт ва шох-шабба ёнаётганлиги ҳақида хабар келиб тушган.

Вилоят ФВБ хабарига асосан, айтилган манзилга зудлик билан 2 та ёнғин ўчириш экипажлари ва 20 нафар шахсий таркиб жалб қилинган. Ёнғин ўчириш экипажлари ёнғин жойига соат 12:47 да етиб бориб, аланга соат 14:20 да тўлиқ ўчирилган.

Маълум бўлишича юзага келган ёнғин 10 гектар майдонни эгаллаган. Ёнғин оқибатида тан жароҳати олган ва ҳалок бўлганлар йўқ.