Шу йиллар давомида Ватанимиз барча соҳаларда ривожланиш сари улкан қадамлар ташлади: ўз тарихини чуқур ўрганишдан то замонавий технологияларни ўзлаштиришгача, кенг кўламли ислоҳотларни амалга оширишдан то мамлакатнинг ҳар бир чеккасини обод қилишгача.
-Спорт соҳасидаги ютуқлар эса алоҳида эътирофга лойиқ. Бу йил спортчиларимиз қатъиятлилик, меҳнат ва фидойилик жаҳон майдонида улкан ғалабаларга олиб келишини яна бир бор исботладилар.
— Мустақиллик халқимизнинг ижодий ва меҳнат салоҳиятини рўёбга чиқариш, жаҳон миқёсида муносиб ҳурматга сазовор бўлган қудратли давлат барпо этиш, барча фуқаролар фаровонлиги йўлида ижтимоий қурилиш борасида салмоқли ютуқларга эришиш имконини берди.
Олдинда бизни янги марралар, имкониятлар, ғалаба ва муваффақиятлар — янада ривожланиш ва улкан мақсадларни амалга ошириш учун кенг йўл кутмоқда. Ўзбекистоннинг шон-шуҳрати, ютуқлари ва истиқболи янада юксалсин! Юртимиз тинчлик ва фаровонликда яшнасин, ҳар биримиз энг эзгу орзу ва режаларимизни рўёбга чиқариб, ўз мақсадларимизга эришайлик.
— Сизларга мустаҳкам соғлиқ, оилавий бахт, барча ишларингизда омад ҳамда ташаббусларда муваффақиятлар тилаймиз! Оилаларингизда ҳар доим тинчлик-хотиржамлик, хонадонларингизда мудом файз-у барака бўлсин!
Мустақиллигимизнинг 33 йиллиги муборак бўлсин, Ўзбекистон!
