2024 йилнинг ўтган давр мобайнида Тошкент вилояти божхона бошқарма томонидан жами 6,5 трлн. сўмлик божхона тўловлари ҳисобланиб, шундан тадбиркорларни қўллаб-қувватлаш мақсадида божхона тўловларидан 3,2 трлн. сўм имтиёзлар берилди, қолган 3,3 трлн. сўм давлат бюджетига ўтказилишига эришилди. Бу ҳақда Бошқарма матбуот хизмати хабар қилди.
Имтиёз қўлланилган асосий товарлар таркибини транспорт воситалари ва унинг эҳтиёт қисмлари, технологик асбоб-ускуналар, озиқ-овқат маҳсулотлари ҳамда метал ҳом ашёлар ташкил этади.
Жорий йилнинг ўтган 6 ойи мобайнида 11 млрд 11 млн АҚШ долларидан ортиқ бўлган товарлар хорижий мамлакатлар бозорларига йўналтирилди. Товарларимизни Экспорт қилинган, асосий ҳамкор давлатлар Туркия, Қозоғистон, Хитой, Россия ва Афғонистон ва Белгия давлатлари.
Экспорт қилинган асосий товарлар: Металлар ва улардан тайёрланган буюмлар, мева ва сабзовот, транспорт ва унинг эҳтиёт қисимлари, калава ип, тукимачилик махсулотлари, ҳисобига тўғри келмоқда.
Божхона постларида 6 ойи давомида жами 66 407 та божхона юк декларациялари расмийлаштирилди.
Божхона юк декларацияларини Хавфни бошқариш ахборот тизими бўйича йўлаклар кесимида таҳлил қиладиган бўлсак, декларацияларнинг 26% “яшил йўлак”, 54%“сариқ йўлак”, 18% “қизил йўлак тартибида расмийлаштирилди.
Қайд этилишича, Бошқарма томонидан ҳуқуқни муҳофаза қилувчи бошқа органлар билан ҳамкорликда гиёҳванд воситаларининг ноқонуний муомаласига қарши кураш йўналишида 40 та ҳолатда 37 кг гиёҳвандлик воситаларининг ноқонуний айланмасига чек қўйилди.
Бундан ташқари, товар-моддий бойликларнинг ноқонуний айланмасига қарши курашиш йўналишида 1 547 та ҳолатда 60 млрд. 395 млнсўмга тенг товарлар ушлаб қолинди. Акциз маркаси билан маркаланмаган 65 минг қути тамаки маҳсулотлари ноқонуний айланмасига чек қўйилди.
Аниқланган ҳуқуқбузарлик ҳолатлари бўйича 17,5 млрд. сўм қўшимча божхона тўловлари ҳисобланди.
Рақамларга кўра, 2024 йил бошидан бугунги кун қадар Тошкент вилояти ҳудудидаги 39 дан ортиқтадбиркорлик субъектлари томонидан хориждан олиб келинган қиймати 85 млн. АҚШ долларга тенг бўлган 169 минг тонна ҳом ашё “божхона ҳудудида қайта ишлаш” божхона режимига жойлаштирилган. Қайта ишлангандан сўнг хорижга юборилган тайёр маҳсулотлар қиймати 166,4 млн. АҚШ долларини ташкил этган.
